Манипулација врз „манипулацијата“
Објавено во Рецензии
on 15 - 07 - 2016 Автор: Fatlume Dervishi
Напис: Манипулацијата на Ахмети со „смрзнатата насмевка“ во 2015
Продолжуваат манипулациите што ДУИ и нејзиниот лидер, Али Ахмети, им ги прават на Албанците. По денешната средба на Ахмети со високата американска функционерка Викторија Нуланд, на неговиот официјален профил и во медиуми се лиферува една фотографија, наводно од денешната средба со Нуланд, известува „Факте“. На фотографијата може да се видат двајцата соговорници насмеани, дури на беџот на градите на Ахмети пишуваше „ВИП“, а се разбира, не недостигаа ниту стихови за тоа „колку сјајно поминала средбата…“.
Но, всушност, на Албанците им се приложи уште една манипулација во редицата секојдневни манипулации. Фотографијата што наводно беше направена денеска, беше истата фотографија од лани (13 јули 2015 г.), која, исто така, беше објавена на профилот на Али Ахмети на ФБ.
За се потврди дали станува збор за обична манипулација, може да се спореди и облеката на госпоѓата Нуланд на денешните фотографии во американската амбасада, како на тие со македонските лидери. Тие што ги следеле средбите на Нуланд со Ахмети (и со другите лидери), кажуваат дека, сепак, годинава на нивните лица ја немало насмевката од пред една година. /ФАКТЕ.нет
[Рецензија: „Манипулацијата на Ахмети со „смрзнатата насмевка“ во 2015“]
Лесно е да најдеш една фотографија за која ти доаѓаат многу зборови на ум, да изградиш потоа камуфлирани пасуси – камуфлирани под наметката на веста – и да ја објавиш без да ги исполниш минималните услови за нејзината конструкција. Ова се прави со текстот што го рецензираме, каде јасно се забележуваат индивидуалните коментари и недостигот од извори.
Линк до оригиналниот напис: „Манипулацијата на Ахмети со „смрзнатата насмевка“ во 2015-та
Датум на објавување: 11.07.2016
Датум на рецензирање: 13.07.2016
Рецензент: Фатлуме Дервиши
Авторот со право го обелоденил фактот на употреба на една стара фотографија од страна на претседателот на ДУИ, Али Ахмети, во најава на нова кауза. Ахмети ја искористил фотографијата направена на 13 јули 2015 со високата претставничка Нуланд, за да извести за реализираната средба на 11 јули 2016 (без да го нагласи тоа). Изгледа, медиумите не го забележале ова веднаш, но како и да е, во овој текст, оваа постапка не е третирана целосно на соодветен начин.
„Само што ја завршив средбата со високата американска функционерка, госпоѓата Викторија Нуланд, заменик-секретар во американскиот Стејт департмент за европски и евроазиски прашања, како и со амбасадорот на САД во Скопје, г. Џес Бејли.
Како и секогаш, дискутиравме отворено и пријателски за начините како да се реши политичката криза во државата и да се врати фокусот во интеграциската евро-атлантска агенда.
Ја убедив госпоѓата Нуланд дека ДУИ е најконструктивниот дел во решавање на прашањето и изразив убедување за едно брзо постигнување компромис од страните во следниве неколку денови.
Овој компромис треба да резултира со сеопфатно, сигурно и демократско решение, колку што е можно побргу.
Исто така, ја известив високата американска гостинка за нашите предлози врз прашањата за чистење на изборниот список и медиумите, како и за потребата партиите да се согласат дека се исполнети условите за избори и потоа да се одреди датумот на предвремените избори.
Соочувајќи се со ризикот од најразлични влијанија, побарав дополнителна поддршка од Америка за продолжување на нашиот интеграциски пат во НАТО и во ЕУ, а госпоѓата Нуланд нагласи дека тоа е наша заедничка цел.“
Како прво, обвиненијата насочени кон оваа партија за манипулација не држат, бидејќи делото за кое се „фатиле“ не е некоја голема злоупотреба за да се прават обвиненија и категоризации од овој вид. На крајот на краиштата, објавата (на ФБ што тука ја презентиираме – н.з.), зборува за средбата што е реализирана „денеска“, но не кажува дека фотографијата е направена „денеска“.
„Но, всушност, на Албанците им се приложи уште една манипулација во редицата секојдневни манипулации. Фотографијата што наводно беше направена денеска, беше истата фотографија од лани (13 јули 2015 г.), која исто така беше објавена на профилот на Али Ахмети на ФБ.“
Второ, таквите проценки не му следуваат на авторот да ги каже, туку на инволвираните страни. Би било попрофесионално да се побарало причина од Бирото за информации на ДУИ зошто е избрана токму оваа фотографија и можеби да се поставело едно директно прашање, дали е направено за манипулирање на јавноста. Таквата постапка би можела уште подобро да се образложи со присуството на експерти од областа на односите со јавноста или комуниколози.
„Тие што ги следеле средбите на Нуланд со Ахмети (и со другите лидери), кажуваат дека сепак годинава на нивните лица ја немало насмевката од пред една година“.
Кои се „тие“ и како го толкуваат „недостигот на насмевка“ за кој се говори во текстот? Зошто Нуланд се сретнала со политичките лидери и кој бил исходот на средбата (потребна е информација за заднината за да се сфати важноста на средбата)? Доколку ова е „уште една манипулација“ или „продолжување на манипулациите“ на ДУИ, за какви претходни манипулации станува збор?
„Влакното“ за кое се фатиле во оваа содржина е интересно, содржи кратка информација и куриозитет, обично соодветни за портали. Но, тој не е третиран објективно и на малку посеопфатен начин и како таков повеќе ни остава впечаток на еден тенденциозен напис.
Кодексот на новинарите на Македонија порачува:
- Одбирањето на фактите мора да обезбеди објективна информација, имајќи ги предвид сите важни аспекти на темата што се третира.
- Потребата за брзина никогаш не смее да ја ризикува точноста, кредибилноста и професионалноста на трудот.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
Делумно
делумно
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
информира
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
поврзан со тагови