verifikimiifakteve.mksitemap
verifikimiifakteve.mksitemap

Сечено, лепено, монтирано спинување

on 15 - 07 - 2016       
Овој напис го има и на: Албански

 

Puls 24 - protest

 

[Рецензија: Хулиганите на СДСМ и СОРОС се тепаа меѓу себе]

Написот етикетира и коментира за да прикаже поинаква реалност. Во ниту еден дел нема наведен извор, а снимката што е прикажана е нејасна и не може да се утврди ниту каде е снимена, ниту кога, а со тоа тврдењата што се изнесени не можат да бидат поткрепени.

 

 

Пулс 24 Хулиганите на СДСМ и СОРОС се тепаа и меѓу себеЛинк до оригиналниот напис: Хулиганите на СДСМ и СОРОС се тепаа меѓу себе

Датум и време на објавување: 27.06. 2016, 22:06

Датум на рецензирање: 12.07.2016

Рецензент: Димитар Тануров

 

КОМЕНТАР СО ПОЛИТИЧКА ЦЕЛ

Насловот и поднасловот на написот се коментаторски, а со тоа се навестува дека нема професионална дистанца при информирањето. „Хулиганите кои протестираат во име на СДСМ и се на платен список на опозицијата и на СОРОС, почнаа да се тепаат меѓу себе.“ Изнесеното тврдење во поднасловов не е поткрепено со факти, а дури и да се смета за коментар, исто така треба да има поткрепа. Имајќи предвид дека нема докази за ваквите изнесени информации, станува јасно дека единствена цел на тврдењето е да се дискредитираат и да се оцрнат лицата кои демонстрираат.

Ова е првиот напис од овој тип кој дента се појави, па оттука фразата „според медиумите“ е затскривање и себеоградување од изнесените информации – дека пресметката, на непоткрепено етикетираните лица, е поради неисплатени финансии.

Пренесување на непроверени и непотврдени информации е спротивно на новинарските стандарди, исто како и ненаведувањето на изворот на информацијата. Ако веќе се повикува на одредени медиуми, тогаш истите треба да бидат јасно посочени и цитирани. Генерално, пак, преземање туѓи текстови без дозвола и ненаведување, е плагијаторство.

Во текстот, исто така, се наведува нашиот извор од лице место, а потоа, пак, се повикува на според медиумите. Тоа уште еднаш посочува дека станува збор за несмасно прикривање на обид за дезинформирање со користење новинарски фрази.

 

ДРВЈА И КАМЕЊА ПО ДЕМОНСТРАНТИТЕ

Во текстот, освен што се етикетираат лицата како припадници на СДСМ и платеници на СОРОС, демонстрантите коментаторски дополнително се оцрнуваат со наводите „најверојатно биле под дејство на алкохол и наркотици“. Ова е класичен коментар, кој не е поткрепен ниту со изјава.

Во последниот дел, повторно криејќи се зад излитена фраза, текстот изнесува непотврдени информации дека припадниците на обезбедувањето на СДСМ се криминалци. На крајот на текстот е објавен видеозапис од „наводната тепачка“. Снимката е прекратка, со лош квалитет и од далеку снимена, а освен тоа што не може да се утврди каде е снимена, во ниту еден момент не се гледа тепачка меѓу лицата, туку се забележува група граѓани како се движат.

Целиот напис се коси со стандардите што ги пропишува Кодексот на новинари.

Член 1
Новинарот има право на слободен пристап до сите извори на информирање што се од јавен интерес. Новинарот треба да објавува точни, проверени информации и нема да прикрива суштински податоци и да фалсификува документи. Доколку информацијата не може да се потврди или станува збор за претпоставка, односно шпекулација, тоа треба да се каже и да се објави.Точноста на информацијата треба да се провери колку што е тоа можно.

Член 4.
Новинарот ќе го назначи изворот на информациите, но ако изворот бара да остане анонимен, новинарот ќе го заштити.

Член 10.
Новинарот нема свесно да создава ниту да преработува информации што ги загрозуваат човековите права или слободи, нема да говори со јазикот на омразата и нема да поттикнува на насилство и на дискриминација по која било основа (национална, верска, расна, полова, социјална, јазична, сексуална ориентација, политичка…).

Член 11.
Новинарот ќе се придржува и на општо прифатените општествени стандарди на пристојност и на почитување на етничките, културните и на религиозните различности во Македонија.

Член 12.
Плагијаторството е неприфатливо. Цитатите не смеат да се користат без да се нагласи изворот или авторот.

Член 13.
Новинарот треба да прави разлика меѓу фактите и мислењата, меѓу веста и коментарот.

Член 14.
Известувањето од политичките процеси, особено од изборите, треба да биде непристрасно и избалансирано. Новинарот мора да обезбеди професионална дистанца од политичките субјекти.

 


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

не може да се утврди точноста на наводите

неверодостојни наводи

infoVistinitostИЗВОРИ НА ИНФОРМАЦИИ

нема евидентирани извори

неофицијални, анонимни

нерелевантни

1 извор

еднострани

infoVistinitostСЕОПФАТНОСТ

несеопфатнo

прикриени информации

infoVistinitostПРИСТРАСНОСТ

не може да се утврди

не може да се утврди

лажни информации

наклонетост

политичка пристрасност

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

не може да се одреди

наведен автор, ненаведен извор

infoVistinitostКВАЛИТЕТ НА НАСЛОВОТ

дезинформира

некреативен

сензационален

соодветен

тенденциозен

infoVistinitostФОТОГРАФИЈА

има

несоодветна

манипулира

ненаведен автор(извор)

infoVistinitostГОВОР НА ОМРАЗА

навредлив говор

нема говор на омраза

не потикнува на насилство

дискриминира

политичка дискриминација

infoVistinitostУРЕДЕН ЗА ВЕБ

средно читлив

неквалитетни мултимедијални елементи

нема контекстуални линкови

делумно стилски уреден

поврзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести