Конструкцијата без основа може само да падне
Објавено во Рецензии
on 1 - 11 - 2016 Автор: Зоран Бојаровски[Рецензија: „Журнал“: Падна договор за смена на Заев по изборите (ФОТО)]
Како да верувате во оваа информација, кога нема ниту еден елемент на кој можете да ја изградите довербата. Вакви фотографии има колку што ви душа сака на социјалните мрежи. Си „позајмиле“ и си напишале „вест“. Само уште некој да поверува во една таква вест.
Не помага ни тоа што „веста“ е преземена од друг портал. Не само што нема линк до изворната содржина, туку таа со пребарување не може да се најде ниту на порталот од каде што се тврди дека е преземена.
Така, единствено што има написот што го рецензираме се многу индиции дека се работи за шпекулација и за конструкција.
Линк до оригиналниот напис: „Журнал“: Падна договор за смена на Заев по изборите (ФОТО)
Датум и време на објавување: 29.10.2016 – 12:15
Датум на рецензирање: 01.11.2016
Рецензент: Зоран Бојаровски
„ОЗБОРУВАЧКИ“ ОБОЕНИ КОНСТРУКЦИИ
Нема ниту еден наведен прецизен извор за да го поткрепи сето она што се тврди во текстот. Ја нема ниту онаа излитена фраза „дознаваме од извори на Бихаќка“ и сите нејзини варијации. Пишува само „Како што дознава ’Журнал’…“
И што дознава? Листа од „озборувачки“ обоени конструкции за кои, за да им поверувате, ви се потребни исклучително неверојатни способности.
Ако го исклучиме непостоењето извори за оваа вест, прекршени се најмалку уште два члена од Кодексот на новинарите. Како прво, прекршен е членот 13, кој наложува да се прави разлика меѓу фактите и мислењата, меѓу веста и коментарот.
Секако, некако по правило, овој тип на конструкции го кршат и членот 14, кој инсистира на тоа известувањето од политичките процеси да биде непристрасно и избалансирано, како и да се обезбеди професионална дистанца од политичките субјекти.
Наместо тоа, пред нас имаме пристрасна и политички недистанцирана медиумска содржина, за која не е битно дали има извори и аргументи за изнесените информации.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
дискриминира
политичка дискриминација
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
поврзан со тагови