Рецензија: ФОТО: Вака гинат пешаци во Скопје
Објавено во Рецензии
on 17 - 04 - 2015 Автор: Владо Ѓорчев
„Една птица не носи пролет“, можеби е најблиското објаснување за да се даде некаков став за овој текст. Во написов, од една фотографија, на која се гледа како некој човек недозволено поминува улица, се прави една цела анализа. И тоа неуспешна, секако. Точна е констатацијата на читателот по чија препорака го рецензираме овој текст во која вели:
„Ниту има слика како гинат, ниту има интервју со тој што поминува, ниту има статистика од МВР колку гинат тука, ниту информација зошто нема пешачки премин (растојание меѓу двата е 250 метри, а по закон мора на 100 метри), ниту извори…“
Линк до оригиналниот напис: ФОТО: Вака гинат пешаци во Скопје
Датум и време на објавување: 14.04.2015, 11:36
Датум на рецензирање: 16.04.2015
Рецензент: Владо Ѓорчев
ЗАКЛУЧОК ОД ЕДНА ФОТОГРАФИЈА
Текстот од една фотографија изнесува заклучок. Тоа можеби и не би било проблем да не станува збор за ваква чувствителна тема. Најверојатно и можело од ова да излезе солидна анализа ако се отворела веб-страницата на Министерството за внатрешни работи и се побарала последната статистика за оваа проблематика. Или, исто така, решение би било да се земе некоја изјава од експерт за оваа област. Тоа тука не е сторено.
Друга работа е што во написот никаде нема каде се случило, на која улица.
Можеби само како класична вест со друг наслов, текстот и би можел да биде како што треба. Вака, со наслов кој сугерира, е надвор од сите новинарски стандарди.
Текстот, покрај тоа што има лош наслов, не одговара ниту на новинарските прашања кои се задолжителни во секоја информација. Нема каде, како, кога, со што… Поради тоа и е тука на рецензија како пример кој е недоволно разработен затоа што не е содржаен, а згора на тоа има и целосно промашен наслов.
Работа на новинарот е да го доработува текстот кој почнал да го пишува. Овој изледа како да е оставен на половина, или се немало доволно информации. Во таков случај веста не заслужува да биде објавена. Барем не на ваков начин.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
не аплиактивно
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
делумно стилски уреден
неповрзан со тагови