verifikimiifakteve.mksitemap
verifikimiifakteve.mksitemap

ЕУ награда за истражувачкото новинарство. Конкурирајте!

on 24 - 03 - 2015       
Овој напис го има и на: Албански

EU_Award_za-mim

 

Сите новинари кои во 2014 година продуцирале и објавиле истражувачки стории поврзани со злоупотреба на моќта и со прекршување на основните права, корупција и со организиран криминал во земјава, може да се пријават на конкурсот за Наградата од Европската унија за истражувачкото новинарство, што ќе биде отворен до 23 април 2015 година. Наградата е воспоставена од Европската комисија, поконкретно од Директоратот за проширување, во согласност со Стратегијата за проширување на ЕУ, која ја идентификува потребата од обезбедување слобода на изразување во медиумите и потребата за поддршка на истражувачкото новинарство при следење на процесот на реформите.

Целта на наградата е да ги истакне и промовира извонредните достигнувања на новинарите истражувачи и да ја подобри видливоста на квалитетното истражувачко новинарство во земјите од Западен Балкан и во Турција.

Наградата ќе се доделува еднаш годишно во земјите од Западен Балкан и во Турција во следните три години, односно за истражувачките приказни објавени во 2014, 2015 и во 2016 година. Годишниот награден фонд за секоја земја изнесува 10.000 евра. Во секоја држава ќе бидат наградени од една до три истражувачки приказни, а поединечните награди ќе изнесуваат од 3.000 до 5.000 евра.
Процесот на избор на наградата го администрира партнерство на граѓански организации координирани од Мировниот институт во Љубљана. Македонскиот институт за медиуми, како член на партнерството, ќе ги координира активностите поврзани со конкурсот во Македонија.
Краен рок за пријавување е 23 април 2015 година.

За повеќе информации поврзани со наградата: eunagrada@mim.org.mk.

 

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести