Двапати пресметај, еднаш објави!
Објавено во Рецензии
on 11 - 02 - 2016 Автор: Владимир Мирчески
[Рецензија: Утре почнува судењето за „Диво насеље“, 18 обвинети за тероризам]
Чиста математика. Не е исто 18 и 29, поточно, ептен е различно. Вистинската информација е 29 обвинети, а не 18 како што пишува во овој текст.
Линк до оригиналниот напис: Утре почнува судењето за „Диво насеље“, 18 обвинети за тероризам
Датум и време на објавување: 08.02.2016 12:42
Датум на рецензирање: 09.02.2016
Рецензент: Владимир Мирчески
18 ≠ 29
Овој производ има една, ама, сепак, крупна мана и таа се поврзува со вистинитоста. Точно е дека судење ќе има. „Да“ за случајот „Диво насеље“, но „не“ за бројот на обвинети што ќе се појават во судницата. Имено, вкупно обвинети за кумановските настани се 29-мина, а не 18 како што нè (дез)информира текстот.
Најверојатно, станува збор за ненамерен пропуст, но во прашање е грешка која сериозно се одразува на целиот текст. Може да нагаѓаме дека забуната настанала поради 18-те жртви во дводневните судири меѓу полицијата и вооружената група. Но, не смее да има изместување во фактите зашто станува збор за исклучително тешка и значајна тема, како од новинарска, така и од општествена гледна точка. Да бидеме искрени, и други портали ја направиле истата грешка во броење, а некои ја поправиле иако трага е останата.
Во некои текстови за новинарството се наведуваат пет причини за „Извинете, погрешни бројки“ – текстови, а конкретниот пример спаѓа во последните две:
- новинарска грешка при пресметувањето;
- новинар ја повторува грешката изворно направена од друг медиум.
Другиот дел од написот, со икслучок на насловната конструкција, каде исто така се „протнала“ дезинформацијата, е коректен, иако за комплетирање на сликата можела да биде наведена и бројката на загинати припадници на вооружената група. Во не многу долгата вест, најдено е простор и за „бекграунд-информации“. Но, за жал, утната е главната бројка.
Што препорачуваат од „Колумбија џурнализа ривју“ (Columbia journalism review):
„Двапати пресметај, еднаш објави“!
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
делумно
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
сеопфатнo
можеби се прикриени информации
ПРИСТРАСНОСТ
делумно прикажува вистина
нема извртување на вистина (спин)
неточна информација
не аплиактивно
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
несензационален
несоодветен
нејасен
ФОТОГРАФИЈА
има
соодветна
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови