Деликатна и важна тема – нецелосна и недообјаснета вест
Објавено во Рецензии
on 12 - 06 - 2016 Автор: Benjamin Arifi
Напис: Почна изградбата на црквата во Струга, дали Зијадин Села ќе ја блокира?
Само што почна да се гради црквата среде Струга, каде уште не се знае дали ќе има некој крст како оној во Бутел или не. Ако нема да има огромен крст, не е верско поттикнување.
Како што дознаваме, црквата нема дозвола за градба и за тоа место сè уште се води судски процес.
Инаку, пред неколку месеци, ДУИ го блокираше поставувањето на еден огромен крст во општина Бутел.
[Рецензија: Почна изградбата на црквата во Струга, дали Зијадин Села ќе ја блокира]
Верските теми во Македонија секогаш биле деликатни и комплицирани, затоа бараат и повнимателен, сеопфатен и професионален пристап од страна на новинарот. Што се однесува до написот кој е предмет на рецензија, текстот е многу млак, без информации, со нецелосни или непотврдени информации.
Линк до оригиналниот напис: Почна изградбата на Црквата во Струга, дали Зиадин Села ќе ја блокира?
Датум и време на објавување: 04/06/2016
Датум на рецензирање: 06.06.2016
Рецензент: Бењамин Арифи
Иако текстот е краток, преку него се лансираат неколку реченици што не се во иста линија со новинарските начела.
„Само што почна да се гради црквата среде Струга каде уште не се знае дали ќе има некој крст како оној во Бутел или не. Ако нема да има огромен крст, не е верско поттикнување“.
Не е работа на новинарот да суди и да констатира кое дело или предмет претставува поттикнување на меѓуверска омраза. Ова треба да го прават законските прописи и државните институции, кои во конкретниот случај ја дозволуваат изградбата на ваквите објекти. И самиот верски објект не би можел да поттикне омраза кон другата верска заедница, колку што може да поттикнат тенденциозните и сензационални написи на новинарите, полни со констатации и со лични неосновани мислења.
„Инаку, пред неколку месеци, ДУИ го блокираше поставувањето на еден огромен крст во општина Бутел“.
Уште една неточна реченица или барем не елаборирана како што треба. Вака како што е формулирана, оваа реченица дава погрешна слика за целосната вистина околу поставувањето на крстот во Бутел. Вистината е дека работите за поставувањето на овој крст, како што потврдува и овој документ, не биле спречени, туку по поставувањето на камен-темелникот и неговото уривање од страна на активистите на ДУИ, со политички договор работата е запрена на неопределено време.
Исто така, насловот на текстот е тенденциозен и не се совпаѓа воопшто со содржината на текстот. Новинарот не само што не побарал одговор од Зијадин Села за прашањето поставено во насловот, туку ниту се занимавал повеќе со тоа прашање во внатрешноста на текстот.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
неофицијални
нерелевантни,
не може да се утврди
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
не аплиактивно
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
не апликативно
има контекстуални линкови
стилски уреден
поврзан со тагови