Рецензија: Жена од Сараево тврди дека знае што се случило со исчезнатиот малезиски авион
Објавено во Рецензии
on 10 - 04 - 2014 Автор: Владо Ѓорчев
Шпекулациите со малезискиот авион траат од дента кога тој исчезна. Секојдневно се појавуваат нови и нови продолженија од приказните за некакви заговори, чудни случувања и настани од „трето око“. Приказната со малезискиот авион, како ретко досега, предизвика шпекулации во сите земји од светот, а зачудувачки е интересот во балканските земји.
Овојпат имаме за рецензија текст кој македонски медиум најверојатно го презел од некој босански, но не е наведено од кој. Една жена тврди дека авионот „е жив и здрав“. И тука почнува и во исто време завршува приказната. Информација која се објавила колку да има нешто за авионот и денеска, со мисла дека ќе предзвика читаност. Но, се гледа дека ваквите „закачки“ веќе не се интересни за читатлите.
Линк до оригиналниот напис: Жена од Сараево тврди дека знае што се случило со исчезнатиот малезиски авион
Датум и време на објавување: 07.04.2014, 11:46
Датум на рецензирање: 08.08.2014
Рецензент: Владо Ѓорчев
КАДЕ Е ВИСТИНАТА
Ни „В“ од вистинитост не може да се претпостави во текстот. Дури има и цитирани изјави од некоја жена, која наводно знае каде е исчезнатиот авион, но нема ниту нејзини иницијали, не пак цело име. Можело барем да се лоцира местото (населбата, околината) каде што живее мистериозната жена. Значи приказната е толку мистериозна, колку што е мистериозно и исчезнувањето на авионот.
Не се знае дали има воопшто извори. Се гледа дека текстот е преземен од некој медиум, најверојатно од Босна и Херцеговина (барем според информацијата дека жената без лик е од Сараево), но друг податок нема. Нема ниту колку е возрасна жената, дали се занимава со гатање, гледање и слично.
Текстот за „разбибрига“ може да помине. Така, со кафе да се испие, во недостаток на време за некој добар филм. Но, толку, од кога ќе го прочитате веднаш и го заборавате.
ПУСТА ЖЕЛБА ЗА СЕНЗАЦИЈА
Текстот е преземен, но не се направиле напори да се стави барем линк, или, пак, да се наведе од кој медиум е преземен. Насловот не кажува ништо. Ако сакал да предизвика сензација ова е лош наслов. Фотографија има само како за илустрација. Школски пример каква не треба да биде фотографијата во новинарство . Има една анегдота која вели: ако маж нападнал сосед со секира, младите и неискусни новинари ќе го илустрираат со секирата (со средството) што секако е погрешно. Така и овој текст е илустиран со „секира“.
Колку повеќе ги читате ваквите текстови, толку повеќе Ви се симпатични, во смисла дека две минути не мислите на сегашноста. Информирањето, пак, е сосема друга работа која во оваа „вест“ останува недостапна.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
лажни информации
не аплиактивно
КОМЕНТИРАЊЕ
не е апликативно
ПЛАГИЈАТ
целосна копија
ненаведен автор, наведен извор без линк, ненаведен извор
КВАЛИТЕТ НА НАСЛОВОТ
не информира
некреативен
несензационален
несоодветен
нејасен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови