Рецензија: Заев почна да се крие од истрагата за Пуч
Објавено во Рецензии
on 20 - 02 - 2015 Автор: Оливера Војновска
Веста насловена: „Заев почна да се крие од истрагата за Пуч“ е лажна. Манирот во кој е напишан и пласиран овој материјал остава впечаток дека не станува збор за некаков ненамерен превид или грешка, туку намерно е објавена дезинформација за да се оцрни лидерот на опозицијата
Линк до оригиналниот напис: Заев почна да се крие од истрагата за Пуч
Датум и време на објавување: 18.02.2015, 15:20
Датум на рецензирање: 19.02.2015
Рецензент: Оливера Војновска
ВЕСТ СКАРАНА СО ВИСТИНАТА
Написот врз основа на непотврдени информации од анонимни, но „сигурни“ извори, прави конструкција дека: „опозицискиот лидер почна да се крие од истражните органи во случајот Пуч“. Поента која се извлекува и во спинерскиот наслов и на читателите им се подметнува како целосна вистина. А, всушност, се работи за целосна измислица.
Имено, во демантот од социјалдемократите, се вели дека лидерот на СДСМ не бил повикан во Обвинителството за случајот „Пуч“, туку како сведок во врска со кривичната пријава за неовластено прислушување поднесена од СДСМ и поради доставување на дополнителни материјали. Притоа, се појаснува дека поради претходно утврдени обврски на Заев, писмено е побаран друг термин од Обвинителството.
Исто така, во материјалот што го рецензираме се споменува и тоа дека изјава пред Обвинителството дал адвокатот на Заев, но не се кажува што изјавил. Затоа, пак, се забележува дека тој „не одговорил на прашањето, зошто неговиот клиент не се појавил пред истражните органи“. Ваквиот манипулативен пристап создава привид како адвокатот да бил во Обвинителството за случајот „Пуч“ .
Меѓутоа, од изјавата на адвокатот што ја пренесоа некои медиуми, се гледа дека тој во име на СДСМ до Обвинителството доставил нови докази за скандалот со прислушувањето.
„Дадено е проширување на поднесената кривична пријава за неовластено прислушкување. Како доказ се доставени сите оние снимки кои се веќе јавно презентирани. Очекуваме јавното обвинителство да го земе предвид и овој доказен материјал и да постапи по закон.“
И несомнено, неговата изјава намерно не е пренесена, бидејќи таа не се вклопува во сценариото на оваа медиумска содржина ставена во функција на политичка пресметка. Фактички, сите елементи укажуваат дека оваа куса вест од само неколку реда е скарана со вистината. Во неа се прекршени повеќе амандмани од новинарскиот Кодекс, вклучително и главниот принцип на преамбулата:
„основната задача на новинарите е да ја почитуваат вистината.“
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неверодостојни наводи
ИЗВОРИ НА ИНФОРМАЦИИ
има евидентирани извори
официјални, анонимни
релевантни, нерелевантни
не може да се утврди
повеќестрани
СЕОПФАТНОСТ
несеопфатнo
прикриени информации
ПРИСТРАСНОСТ
прикажува невистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови