Рецензија: Сопартијците на Заев под уцена, бизнисмените во грч
Објавено во Рецензии
on 19 - 02 - 2015 Автор: Владо Ѓорчев
Едностран, несодржаен, невистинит, без факти… Ова се зборовите кои се клучни во објаснувањето на овој производ, кој тешко може да се нарече новинарски текст
Линк до оригиналниот напис: Сопартијците на Заев под уцена, бизнисмените во грч
Датум и време на објавување: 15.02.2015, 20:00
Датум на рецензирање: 16.02.2015
Рецензент: Владо Ѓорчев
НЕМА ВТОРА СТРАНА
Текстот има само една водилка – сензационализам, која почнува уште од насловот и е присутна до последниот збор. Од далеку се гледа дека јасната намера е до крај да му се наштети на претседателот на СДСМ и тој да се дискредитира. На лидерот на опозицијата му „насамарува“ уценување, а притоа се омаловажува дека е бесчувствителен особено кон своите сопартијци.
Во текстот се зборува за бизнисмените и тоа за сите (?!). Значи, цела бизнис-заедница во еден кош. Башка, нема ниту изјава, макар и неофицијална од некој бизнисмен, кој би потврдил дека е така.
Се гледа дека воопшто не ни била планирана втората страна на приказната, со тоа што намерно е изоставено избалансираното информирање. Кога текстот нуди еден „експерт“ (кој, патем, со истава изјава го има во повеќе медиуми што се согласуваат со политиките на власта), пожелно би било да има и мислење од друг експерт кој критички би се осврнал на исказите. Така текстот би добил и содржајност и објективност, а публиката би имала појасна слика за целата состојба.
Тоа не е сторено и затоа ова е уште еден политички памфлет, кој нема намера да се занимава со вистината, туку со дефокусирање, креирање лажна слика и со купување време.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
наклонетост
политичка пристрасност, комерцијална пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
има контекстуални линкови
стилски уреден
поврзан со тагови