Рецензија: Самка Ибраимовски реши да го послуша Амди Бајрам и се враќа во собранието?
Објавено во Рецензии
on 9 - 06 - 2014 Автор: Владо Ѓорчев
Многу често (барем во последно време) главен извор на информација е Фејсбук. Иако тоа по малку е неумесно и несериозно, настрана фактот што не може да стане збор и за истражувачки мотив, сепак, во некои моменти има смисла. Имено, политичарите, сакајќи да искористат што поголема маса на народ за своите ставови, го користат Фејсбук како медиум за соопштување на одредени информации. Но, злоупотребата на новинарите настанува кога без информација, само од гола конверзација на Фејсбук пријатели се изведуваат заклучоци. Таков е и овој текст. Можеби додека се објави рецензијата ќе се покаже дека навистина пратеникот нема да поднесе оставка, ама барем можеле да му се јават на телефон и во два збора да го прашаат.
Линк до оригиналниот напис: Самка Ибраимовски реши да го послуша Амди Бајрам и се враќа во собранието?
Датум и време на објавување: 04.06.2014, 3:47
Датум на рецензирање: 05.06.2014
Рецензент: Владо Ѓорчев
ФЕЈСБУКОТ КАКО ИЗВОР
Конверзацијата навистина постои. Од неа, сепак, не може да се изведе заклучок како во насловот. Пратеникот, ако принт скринот е направен од вистинскиот Фејсбук профил на личноста за која се говори(?), никаде не навестува дека тоа ќе се случи. Или, еве поточно, никаде не кажува дека ќе го задржи мандатот.
Изворот е конверзација на Фејсбук ѕид, за кој не знаеме дали е вистинскот или е лажен. Вториот извор е еден момент од изјава на Амди Бајрам. Овие два моменти ги поврзале и испаднало тоа што го имаме пред нас. Инаку, тие два настани немаат допирни точки, а уште помалку ја доловуваат квалификацијата од насловот.
Обична приказна од маало. Некако така би можело да се формулира ова четивце. Инаку, дека не му се мислело многу се гледа и според часот кога е објавена веста.
Можеби и нема пристрасност, туку мотив да се запали Фејсбук масата со вакви текстови. Инаку, имаше еден сличен ваков текст на Плусинфо, каде новинарите коректно му се јавиле на пратеникот и го прашале за изјава, каде тој, исто така, коректно им одговорил.
СЕ БАРА СЕРИОЗНОСТ
Целиот текст е всушност коментирање. Нема ниту еден факт, туку само претпоставки.
Текстот можеби е оргиналниот, зашто слични написи се појавија и во други медиуми. Но, овој, поради времето кога е објавен, најверојатно е прв е меѓу првите.
Насловот е целосна дезинформација. Кога ќе се прочита се добива еден впечаток, кој веднаш се побива откако ќе го прочитате текстот. Неумесно спојување на два моменти носи и вакви грешки. Се разбира, новинарски неиспаравни.
Фотографијата е ставена колку за илустрација.
Политички текстови многу често, како овој, се појавуваат со забавни карактеристики. Не дека понекогаш е невозможно и тоа, но кога се работи за ваква сериозна тема, со непризнавање на мандатите, од новинарите се очекува да бидат барем малку посериозни. Несериозноста од новинарот понатаму носи и несериозност од јавноста, која потоа имплицира општественото однесување. Затоа, малку поголема мудрост во пишувањето нема да биде на одмет.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
2 извори
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
не аплиактивно
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
нечитлив
неквалитетни мултимедијални елементи
нема контекстуални линкови
делумно стилски уреден
неповрзан со тагови