Рецензија: Премиерот Груевски оствари средба со менаџерскиот тим на компанијата „Вајбер“
Објавено во Рецензии
on 22 - 01 - 2015 Автор: Александар Писарев
Вестa мора да биде кратка, јасна и содржајна и да одговори на пет основни прашања, кои ја чинат оваа новинарска творба. Ако тоа го нема, како што е во овој случај, читателите ќе бидат збунети и нецелосно или погрешно информирани за настанот кој медиумот сакал да го опише.
Линк до оригиналниот напис: Премиерот Груевски оствари средба со менаџерскиот тим на компанијата „Вајбер“
Датум и време на објавување: 19.01.2015, 17:50
Датум на рецензирање: 20.01.2015
Рецензент: Александар Писарев
Направен е обид да се објасни дека премиерот Никола Груевски имал средба со менаџерите на компанијата „Вајбер“ и дека се разговарало за соработка и за размена на искуства.
Во содржината недостигаат две важни информации, кога тоа се случувало, каде и која е и од каде, всушност, компанијата која покажала интерес за сорабтока и за размена на искуствата, со што вистинитоста на целата информација е доведена во прашање. Не се повикува ни на еден извор кој би ја потврдил веродостојноста на овој настан, освен фотографија без легенда, па можеме и да се посомневаме дека фотографијата е од средба со претставниците на компанијата која се спомнува во текстот.
„Менаџерите на компанијата Вајбер посочиле дека се отворени за соработка и размена на искуства и дека компанија го следи напредокот на државата во сферата на информатичките технологии…“
Читателите можат само да насeтуваат дека се работи за некакава информатичка компанија.
Вториот дел на веста е во функција на спинување на владините политики, при што се прераскажува што Груевски им рекол на претставниците на посочената компанија во врска со напорите на Владата во оваа област и реформите кои ги прави Владата во економијата. И толку.
Крајот на веста е целлосно нејасен во поглед на тоа кој кому што му понудил, кој со кого ќе се поврзува на глобална мрежа и ќе шири капацитети.
Не се испочитувани членовите 1 и 4 од Кодексот на новинарите на Македонија.
Член 1. Новинарот треба да објавува точни, проверени информации и нема да прикрива суштински податоци и да фалсификува документи.
Член 4. Новинарот ќе го назначи изворот на информациите.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
не аплиактивно
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
несензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови