Прикриени информации за да помине невистината
Објавено во Рецензии
on 22 - 04 - 2014 Автор: Зоран Бојаровски[Рецензија: СОЦИЈАЛИСТИЧКА ИНТЕРНАЦИОНАЛА – СДСМ ѝ останува верен, Дачиќ ја напушта]
Ова е уште еден текст од оние за кои пред да почнат да се пишуваат се исцртуваат рамките и тезите кои треба да се поентираат. Доколку не е така, тогаш се работи за недозволива небрежност да се проверат фактите, бидејќи тие се сосема спротивни од она што го застапува овој текст. Како прво „застапувањето“ не е работа на новинарите, а како второ и во двата случаи, и да е однапред подготвена тезата, и ако се работи за небрежност, всушност зборуваме за непрофесионалност и за непочитување на новинарските стандарди.
Линк до оригиналниот напис: СОЦИЈАЛИСТИЧКА ИНТЕРНАЦИОНАЛА – СДСМ ѝ останува верен, Дачиќ ја напушта
Датум и време на објавување: 14.04.2014, 13.22
Датум на рецензирање: 17.04.2014
Рецензент: Зоран Бојаровски
Привидно мотивацијата за овој новинарски текст е најавата на српскиот лидер на социјалистите Ивица Дачиќ, дека неговата партија ќе ја напушти Социјалистичката интернациоанала која ги обединува на светско ниво социјалдемократските партии, работничките и лабуристите, како и демократските социјалисти. Во текстот, кој претпоставуваме дека бил инспирација за медиумската содржина што ја рецензираме по наслов „Internacionalu pregazilo vreme“ (Интернационалата е прегазена од времето) објавена во српски „Данас“, насловот, а и останатите елементи внатре, дека интернационалата е застарена организација и дека партијата на Дачиќ се чувствува дека е поблиска до Прогресивната алијанса, во која членуваат бивши членки на Соц-Интернационалата, но по своите принципи е многу поблиска до европските вредности.
И оттука произлегува однапред подготвената теза на новинарот чиј текст го рецензираме штом Дачиќ одлучува да биде со напредните, проевропските зошто тоа не би го направла и македонската партија на социјалдемократите, односно СДСМ.
Да прифатиме дека темата е легитимна, но однапред подготвената рамка во која мора да се стави, ѝ прават сериозен проблем.
За да ја оправда рамката, новинарот го прашал Генералниот секретар на СДСМ дали се задоволни од членството во Социјалистичка интернационала и дали имаат намера да ја напуштат. Одговорот не е битен, бидејќи вистинското прашање е дали таа партија ќе ѝ се приклучи на Прогресивната алијанса. Зашто ако било поставено тоа прашање тогаш ќе следувал одговорот дека СДСМ е веќе членка на бордот на Прогресивната алијанса. Тоа може да се види од веб сајтот на алијансата и тоа ќе потврди дека СДСМ е прогресивна партија блиска до европските вредности.
Но, однапред подготвената рамка не сака таа информација да стигне до јавноста.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
делумно
неточни наводи
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
2 извори
повеќестрани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
несензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
квалитетни мултимедијални елементи
нема контекстуални линкови
стилски уреден
поврзан со тагови