verifikimiifakteve.mksitemap
verifikimiifakteve.mksitemap

Напис кој суди наместо да информира

on 20 - 01 - 2017       
Овој напис го има и на: Албански

Kurir za SJO i Zaev

[Рецензија: СКАНДАЛОЗНО: СЈО го амнестираше Заев по втор пат]

 

Текстот што е предмет на оваа рецензија споделува информација со јавноста дека СЈО го повлекло обвинението за „Пуч“, но наместо да ја пренесе новинарски, ја спинува и коментира.

 

 

СКАНДАЛОЗНО СЈО го амнестираше Заев по втор пат Kurir.mkЛинк до оригиналниот напис: СКАНДАЛОЗНО: СЈО го амнестираше Заев по втор пат

Датум и време на објавување: 18.01.2017

Датум на рецензирање: 18.01.2017

Рецензент: Ана Анастасовска

 

НЕНОВИНАРСКОТО ПОЧНУВА СО НАСЛОВОТ

Самиот наслов на написот е надвор од новинарските стандарди, бидејќи коментира правна одлука на Специјалното јавно обвинителство, оценувајќи ја како скандалозна.

„Како и што се очекуваше, Катица Јанева продолжи со скандалозното и срамно однесување кое нема врска со право и правда и го повлече обвинението за предметот Пуч во кое еден од обвинетите е лидерот на СДСМ Зоран Заев. Според СЈО, поднесокот денеска ќе биде доставен до Кривичниот суд“.

Тезата на написот е пласирана уште во првиот пасус. Уште на почетокот, пред читателот да ја прочита информацијата, тој се убедува во своеволниот став на текстот, дека Јанева се однесувала скандалозно и срамно, надвор од правото и правдата, ослободувајќи го Заев од обвинението за предметот „Пуч“.

„Катица Јанева и СЈО откако претходно го ослободија од притвор Зоран Верушевски, сега тргнаа да го извлекуваат и Заев „Специјалките“ објаснуваат дека се откажуваат од обвинението бидејќи обвинителниот акт бил во спротивност со наводните докази кои обвинителството ги собрало во истражните постапки за предметите „Таргет“ и „Тврдина“, иако јавноста имаше прилика да види со свои очи како Заев уценува со снимките со цел да предизвика промена на власт“.

И овој дел е коментаторски и спинуван. Се побива одлуката на СЈО без никакви правни и издржливи аргументи. Единствен аргумент е дека „јавноста имаше прилика да види со свои очи како Заев уценува со снимките со цел да предизвика промена на власт“. Секој видеозапис што ќе се пушти во јавноста не може да претставува цврст доказ за ништо, сè додека тоа не се докаже во судска постапка. Новинарството нема задача да суди и да осудува, туку да информира, што во написов не е случај.

 

ПО СПИНОТ, МАЛКУ И ОД СЈО

Дури откако го пласира спинот, текстот го пренесува ставот на СЈО.

„… Воедно укажуваме дека со откажување од обвинителниот акт во предметот „Пуч“ ние не прејудицираме дали некој е невин или виновен, туку сметаме дека за целосно и точно утврдување на фактичката состојба, потребни се дополнителни докази, кои не можат да бидат прибавувани во фазата на главна расправа.“ – стои во соопштението на СЈО, обвинителството кое се стекна со репутација на партиска испостава на СДСМ и тројански коњ во правниот систем контролиран од други центри на интерес“.

И што не е јасно од коментарот на СЈО? Во нивното соопштение децидно е наведено дека се потребни дополнителни докази за случајот и понатаму да се води. Засега тие докази не можат да се набават и затоа обвинението се повлекува.

Подолу во текстот повторно се користат манипулациии се наведува дека Заев речиси и не се појавил во судница за предметот „Пуч“.

„Заев практично и не се појави во судница наоѓајќи разно разни апсурдни и комични оправдувања за одложување на рочиштата, бегајќи од соочувањето со правдата“.

Ова не е точно. Имено, на последните две закажани рочишта за „Пуч“ присуствуваше лидерот на СДСМ, Зоран Заев, а единствениот сведок на СЈО, лидерот на ВМРО-ДПМНЕ, Никола Груевски, не беше поканет. Рочиштето на 16 септември беше одложено поради тоа што се разболел еден поротник, а рочиштетотод 1 ноември се одложи затоа што двајца поротници немале безбедносен сертификат. Но, ова во текстот не се спомнува.

Целиот текст има цел да ѝ создаде слика на јавноста дека Зоран Заев бил виновен во предметот „Пуч“ и дека потоа бил помилуван од Катица Јанева, која, наместо од правото, наводно се водела од блиските политички релации со лидерот на СДСМ.


Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).

ИНФОГРАФИК

infoVistinitostВИСТИНИТОСТ

има факти

не може да се утврди точноста на наводите

не може да се утврди веродостојноста на наводите

infoVistinitostИЗВОРИ НА ИНФОРМАЦИИ

има евидентирани извори

официјални

релевантни

1 извор

еднострани

infoVistinitostСЕОПФАТНОСТ

несеопфатнo

можеби се прикриени информации

infoVistinitostПРИСТРАСНОСТ

не може да се утврди

извртување на вистина (спин)

не може да се утврди

наклонетост

политичка пристрасност

infoVistinitostКОМЕНТИРАЊЕ

има коментаторски елементи

интегрирано со фактите

infoVistinitostПЛАГИЈАТ

оригинално дело

ненаведен автор

infoVistinitostКВАЛИТЕТ НА НАСЛОВОТ

информира

некреативен

сензационален

соодветен

тенденциозен

infoVistinitostФОТОГРАФИЈА

има

соодветна

информира

ненаведен автор(извор)

infoVistinitostГОВОР НА ОМРАЗА

нема навредлив говор

нема говор на омраза

не потикнува на насилство

не дискриминира

infoVistinitostУРЕДЕН ЗА ВЕБ

не апликативно

стилски уреден

поврзан со тагови

Напишете коментар

Вашата адреса за е-пошта нема да биде објавена. Задолжителните полиња се означени со *

This site uses Akismet to reduce spam. Learn how your comment data is processed.

Претплатете се за најнови вести