Минотаур од текст: Човечко тело со глава од бик
Објавено во Рецензии
on 25 - 01 - 2017 Автор: Зоран Бојаровски
[Рецензија: Балканските соросоиди се приклучуваат во војната со Трамп и американската администрација]
Кога ќе ја прочитате оваа медиумска содржина сфаќате дека станува збор за создание составено од две различни целини. Или некоја мутирана новинарска форма. Или, ми се чини, најдобра илустрација за Минотаур. Она митолошко суштество кое се родило од копулацијата на критската кралица со – бик.
Се разбира, далеку од тоа дека текстот што го рецензираме има митски димензии. Само сакаме најпластично да објасниме што може да се роди кога се кршат правилата во новинарството и кога се прават обиди да се спои тоа што не се спојува. Бидејќи нема лепак.
Некој, сепак, создал „Франкенштајн“ од текст и затоа вреди да се запрашаме, сепак, што е тоа што послужило како „лепило“ за да се залепат две или три несродни парчиња. Не можеме да заклучиме ништо друго, освен дека за „лепило“ послужила потребата да се поддржи актуелната кампања за „десоросоизацијата“ со внесување регионален контекст. Но, дали има некаква основа за една таква конструкција?!
Линк до оригиналниот напис: Балканските соросоиди се приклучуваат во војната со Трамп и американската администрација
Датум и време на објавување: 24.01.2017, 11:02
Датум на рецензирање: 25.01.2017
Рецензент: Зоран Бојаровски
СПОЈКА НА ДВА НЕСПОЈЛИВИ ДЕЛА
Текстот е составен од два неспојливи дела. Во првиот се парафразираат делови од некое интервју на извршната директорка на „Ист-вест институтот“, Делина Фицо (за кое нема линк, ниту наслов, ниту медиум), и во тоа интервју Фицо изнесува свои ствавови во врска со протестите во САД за женските права. Вториот дел од оваа медиумска содржина има цел да накалеми дека „Ист-вест институтот“ поддржува балканска регионална кампања против Трамп, со пари на УСАИД што ги менаџира конзорциум во кој главни играчи се невладини организации под покровителство на ФООМ(?!)
Целосна каша: ФООМ прави кампања против Трамп со пари на Трамп, односно на УСАИД, ама буџетите биле утврдени пред да дојде Трамп на власт(?!).
И за сето ова нема извори, а тие би можеле да бидат „лепилото“ што недостига. Препораките на професионалните и одговорни новинари и на добрата практика се дека мора да се биде критичен при изборот на изворот и да се провери дали се точни доставените информации. Треба да се настојува при избор на изворите тие да бидат разновидни и релевантни.
Ништо од овие препораки нема во овој текст. Затоа е неконсеквентен, конфузен.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
политичка дискриминација,
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
поврзан со тагови