Рецензија: Што сѐ се гради на Водно
Објавено во Рецензии
on 18 - 03 - 2014 Автор: Зоран БојаровскиНе може новинарството да се сведе само на поставување прашања без одговори. Каква смисла има тоа? Медиумската содржина што ја рецензираме е низа од прашања што авторот ги собрал на социјалните мрежи и толку! Првото новинарско правило е дека новинарите трагаат по ОДГОВОРИ на поставените прашања, нивни и на јавноста. Поставувањето прашања не е доволно.
Линк до оригиналниот напис: Што сѐ се гради на Водно
Датум и време на објавување: 12.03.2014, 15:49
Датум на рецензирање: 17.03.2014
Рецензент: Зоран Бојаровски
Сосема е во право господинот кој го предложи овој новинарски текст во делот за предлози на читателите на Сервисот за проверка на фактите од медиумите (СПФМ) на нашиот веб сајт кога вели:
„Сите ги видоа сликите по фејсбук. Зошто новинаров кажува само за нив, наместо да направи новинарско истражување и да дознае и да извести која е вистината, да ги праша надлежните, катастар, Џевахир, кој е се тука вмешан?“
НЕ Е СЕКОЈА МЕДИУМСКА СОДРЖИНА НОВИНАРСТВО
Зошто запрела новинарската иницијатива само на констатација на интересот на граѓаните на социјалните мрежи и на препис на прашањата што си ги поставиле? Наместо да послужи како „допрен глас“ за новинарско истражување и да се провери нешто што е контроверзно и што, очигледно, го предизвикува јавниот интерес, конструирана е информација која ништо не значи, која сите ја знаат на ниво на прашања.
А, адресите на кои треба да се побараат одговорите сами се нудат. Воопшто не е тешко да се идентификуваат одделениото за урбанизам на град Скопје, општина Сопиште, Министреството за транспорт и врски, Катастарот…
Интересно, вака како што е објавен текстот, ги нема елементите за рецензија според методологијата на нашиот Сервис за проверка на фактите од медиумите: вистинитост, извори на информации, содржајност, пристрасност…
Има само наслов, прашања и фотографија, која е преземена од социјалните мрежи. Тоа не е доволно една медиумска содржина да се нарече новинарски текст.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
допрен глас од социјални мрежи
неофицијални
нерелевантни
не може да се утврди
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
не може да се утврди
не може да се утврди
Не може да се утврди
КОМЕНТИРАЊЕ
нема коментаторски елементи
ПЛАГИЈАТ
не може да се одреди
наведен автор
КВАЛИТЕТ НА НАСЛОВОТ
не информира
некреативен
несензационален
несоодветен
нејасен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови