Рецензија: Што има Заев за Лазаревиќ, Димитров и Димшоски за тие да се однесуваат вака?
Објавено во Рецензии
on 19 - 03 - 2015 Автор: Зоран Бојаровски
Што има овој текст од принципите на професионалното новинарство и од Кодексот на новинарите? Ништо! Зошто? Еве зошто!
Но, прво да кажеме дека оваа медиумска валканица има цел да нападне личности, а не аргменти, да извалка карактери, а не да анализира ставови.
Линк до оригиналниот напис: Што има Заев за Лазаревиќ, Димитров и Димшоски за тие да се однесуваат вака?
Датум и време на објавување: 09.03.2015, 09:41
Датум на рецензирање: 18.03.2015
Рецензент: Зоран Бојаровски
Ајде да тргнеме од вистинитоста во рецензијата на овој текст. Дали има вистина во една вака конструирана реченица:
„Јавноста е згрозена од однесувањето на Никола Димитров, Владимир Лазаревик и Перо Димшоски и нивните испади, но прашањето е какви компромитирачки материјали има шпионскиот уценувач и прислушувач Зоран Заев за нив, за тие да се однесуваат вака?“
Како прво, како може некој да пишува во име на јавноста, а да не понуди увид во тоа како реагирала јавноста на иницијативите на Димитров, Лазаревик и на Димшоски. Освен тоа, може да земеме за вистина дека дел од јавноста била „згрозена“, но тоа сè уште не е целата јавност. Значи, треба да се определи и да се идентификува која јавност, а тоа да се поткрепи со докази.
И како може некоја постапка да се оцени како „испад“, а тоа да биде новинарски текст?
Што да се каже, пак, за медиумската култура на авторот и на уредникот на ова писание, имајќи го предвид речникот во кој некого, без аргументи го нарекувате „шпионскиот уценувач и прислушувач“? Далеку од сите етички правила и препораки.
И останатото е далеку од професионалните норми и препораки на сите кодекси на новинарите. Има само непоткрепени клевети, инсинуации и обвинувања кои се оправдуваат со „информациите до кои дојде…“. Недолично и крајно неновинарски.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
говор на омраза
не потикнува на насилство
дискриминира
политичка дискриминација
УРЕДЕН ЗА ВЕБ
читлив
солидни мултимедијални елементи
нема контекстуални линкови
стилски уреден
поврзан со тагови