Рецензија: ЕКСКЛУЗИВНО: Сите иматели на бугарски пасоши од Македонија ќе треба или да служат војска или дебело да платат!
Објавено во Рецензии
on 3 - 09 - 2014 Автор: Зоран БојаровскиПоследните денови од август, од засега непознати причини, одреден број медиуми во Македонија објавија информација која, наводно, ја презеле од бугарките медиуми, или пренесуваат ненаведени извори, дека имателите на бугарски пасоши како основ за второ државјнаство ќе треба да служат војска или да платат надомест за ослободување од оваа обврска ви висина од 2.000 лева, односно, 1.000 евра.
Оваа информација не ја потврди ниту една државна институција на соседна Бугарија, а дел од бугарските медиуми известија дека оваа информација е лага и искористија да додадат дека ова е дел од пропагандата на Република Македонија против оваа членка на ЕУ.
Оваа рецензија, во исто време, е резултат и на предлог на наш читател кој на местото за предлози за рецензија на наши читатели ги нагласи овие факти: Во Бугарија нема „служење“ војска, туку таа е професионална војска, и второ, оваа информација е конструирана врз основа на една стара вест, од фебруари оваа година, кога во Софија изби скандал дека тамошната Дирекција за Бугарите во странство (ДБС), издавала пасоши на луѓе кои не ги исполнуваат криетриумите за стекнување бугарско државјанство, а аплицирале од Македонија, Косово и Албанија.
Линк до оригиналниот напис: ЕКСКЛУЗИВНО: Сите иматели на бугарски пасоши од Македонија ќе треба или да служат војска или дебело да платат!
Датум и време на објавување: 26.08.2014
Датум на рецензирање: 02.09.2014
Рецензент: Зоран Бојаровски
Аферата за корупцијата во ДБС ја објави бугарскиот медиум Труд (Скандалът с незаконните БГ паспорти: Държавната агенция за българите в чужбина гази закона, ще я закриват“) на крајот на февруари оваа година. Главното откритие на новинарите истражувачи на овој медиум, е дека оваа дирекција за 1.000 евра издавала пасоши на луѓе кои на интервјуата за државјанство одговарале на албански или арапски со посредство на преведувачи.
Во ниту еден од текстовите на Труд, ниту, пак, на било кој друг медиум од Бугарија, кои во тој период ги презедоа текстовите на овој медиум, ниту еднаш и никој не спомнува дека заради оваа афера имателите на бугарски пасоши од други земји ќе служат војска или ќе плаќаат надомест за да не служат.
Нашиот читател, кој ја предложи оваа тема за рецензија, се погрижил да ни достави линк од пребарувањето на Гугл низ бугарските медиуми, со кој потврдува дека ниту еден медиум не спомнува ваква можност.
Следејќи ги сугестиите на нашиот читател, и ние направивме мало пребарување на интернет и откривме дека за оваа информација, оти Македонците ќе служеле во бугарска војска, не може да се најде никаква изјава или потврда од било која бугарска официјална институција.
Напротив, она што го најдовме е демант во бугарските медиуми. Еден од нив на оваа тема објавува наслов: „Темата България в македонските медии: Лъжат притежателите на български паспорти, че ще служат в армията“ („Темата Бугарија во македонските медиуми: Ги лажат имателите на бугарски пасоши дека ќе служат во амријата“).
Инаку, информацијата што ја рецензираме има повеќе професионални недоследности, кои заради нагласување на невистинитостите изнесени во неа, само таксативно ги наведуваме: Информацијата нема извори, има коментари кои не се издвоени од „фактите“, забележлива е патриотска пристрасност…
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неточни наводи
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови