Рецензија: 11 нови задруги
Објавено во Рецензии
on 15 - 04 - 2014 Автор: Зоран Бојаровски
„Единаесет нови задруги” како 12 величенствени… Мора да се признае дека е силен притисокот врз новинарите за време на изборната кампања. Толку силен што новинарите не се во состојба ниту да одбијат задача, иако тоа може да го сторат, повикувајќи се Кодексот на новинарите и членот 17:
„Новинарот има право да одбие работна задача до колку е во спротивност со принципите на овој Кодекс.“
Значи, кога етичките и професионалните стандарди се под предвидениот степен на пристојност, работната задача може да се одбие. Медиумската содржина што ја рецензираме, иако е под стандардите, сепак е објавена. Тоа, уште еднаш нагласуваме, зборува дека притисокот е огромен.
Линк до оригиналниот напис: 11 нови задруги
Датум и време на објавување: 10.04.2014, 11:04
Датум на рецензирање: 10.04.2014
Рецензент: Зоран Бојаровски
Да објасниме зошто сме вака категорични во нашето тврдење дека овој текст е под професионалните стандарди и дека контекстот и времето во кој е објавен говорат дека тој има друга намена, а не новинарска.
Освен во првата реченица во која се известува дека благодарение на Законот за земјоделски задруги, во Македонија се формирале 11 задруги, во преостанатиот дел од текстот нема ништо што е вредно да биде вест, ниту пак има елементи од било каков јавен интерес.
После првата реченица за 11 новоформирани задруги нема ништо за да се дополни оваа рудиментарна најава: Кој ги основал, каде се основани, зошто се основани, нема изјави од основачите?!?
Сите наредни реченици се препис од законот за основање задруги со нагласка дека владата го финансира основањето, ја обезбедува платата на менаџерот, обезбедува субвенции…
Во контекстот на тајмнгот кога е објавен овој текст, тој е само уште еден чист промотивен партиски прилог. Уште повеќе, иако нема апсолутно никаква медиумска вредност во содржината, текстот во моментот кога го регистриравме беше објавен во топ вестите на сајтот на медиумот.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
нема извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
несензационален
соодветен
јасен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови