Бурек? Не, благодарам, не јадам бурек
Објавено во Рецензии
on 31 - 12 - 2014 Автор: Зоран Бојаровски[Рецензија: Ѓорѓиевски: Државниот испит ќе помогне за продуцирање квалитетни кадри]
Да не беше смешно, ќе беше трагично. Или обратно – сеедно. Во преголемата желба за додворување на промоторите на новите реформи во високото образование, односно во желбата да се афирмира една крајно контрадикторна новина, се пласира медиумска содржина која целосно ја промашува целта.
Од приложеното се гледа дека овој менаџер од реалниот сектор зборува за придобивките на практичната настава која студентите треба да ја посетуваат за време на студиите, а не за државниот испит. Написот го игнорира тоа и си ја тера својата агенда – да го афирмира и брани проектот „државен испит“.
И тоа не е единствената „мана“ на оваа содржина.
Линк до оригиналниот напис: Ѓорѓиевски: Државниот испит ќе помогне за продуцирање квалитетни кадри
Датум и време на објавување:25.12.2014, 14:47
Датум на рецензирање: 30.12.2014
Рецензент: Зоран Бојаровски
Прво за вистинитоста. Многу е проблематично да се застане само на една страна и ставовите на таа страна да се застапуваат како единствено вистинити и исправни. Тоа се нарекува пристрасност. Така вели и членот 14 од Кодексот на новинарите:
Известувањето од политичките процеси, посебно од изборите треба да биде непристрасно и избалансирано. Новинарот мора да обезбеди професионална дистанца од политичките субјекти.
Во случајот на оваа медиумска содржина, не само што нема професионална дистанца, туку и средствата со кои се прави обид да се поткрепи една противречна иницијатива, се прилично проблематични.
Како да му веруваме на застапникот за државен испит, искористен во овој текст, кога прво тој не знае за што станува збор. Второ, на новинарите им е дозволено да користат авторитетни извори кои не се експерти за некои прашања, но, во овој случај, не само што немаме експерт, туку и авторитетот на личноста цитирана во оваа медиумска апологетика, е прилично проблематичен. Управител на синџир бурекчилници (!?!)
Доволно е. Нема многу да се задржиме на овој текст за да не добие неосновано големо внимание.
Ова е уште и еден од „подобрите“ спинови. На една национална телевизија одеше најава дека следува прилог во кој менаџери од реалниот сектор ја поздравуваат идејата за државен испит, а во прилогот немаше ниту еден менаџер. Само владини претставници.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
не информира
некреативен
несензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови