Рецензија: Професорите бараа дебата, па избегаа
Објавено во Рецензии
on 8 - 01 - 2015 Автор: Владо Ѓорчев
Овој текст не може да се каже дека е вистинит. Во него е злоупотребена една изјава, по која се подведува една цела неформална организација. Поради тоа, текстот нема намера да ја прикаже вистината во целост, туку има само една цел: да ги направи сите професори несериозни. Но, како велат – една ластовичка не носи пролет, па така и во текстот, еден професор не се сите професори.
Линк до оригиналниот напис: Професорите бараа дебата, па избегаа
Датум и време на објавување: 05.01.2015, 14:26
Датум на рецензирање: 05.01.2015
Рецензент: Владо Ѓорчев
ПОДВЕДУВАЊЕ
Овој текст, само ако имал уште една реченица, можел да биде дури и вистинит. Вака не, и тоа поради една проста логика. Точно е дека професорката Билјана Ванковска, а тоа може да се потврди и на снимката што ја направи „А1 он“, вели дека го прифаќа предлогот од премиерот Никола Груевски да присуствува на дебатата што беше преместена во Собранието на Република Македонија.
Но, текстот тврди дека:
„Иако првично бараа дебатата за реформите во образованието да се води во Собранието на РМ, што од таканаречениот „Професорски пленум“ го посочија како услов за учество во дебатата, сега, кога дебатата за реформите во високото образование се префрли во парламентот, тие повторно останаа вон дебатата.“
Сепак, ова не е вистина. Да, точно е дека Ванковска прифати дебата во Собранието. Но, тоа не го сторија и другите професори што беа со неа. Тоа, исто така, се гледа од видеоснимката. Досега своите официјални соопштенија „Професорски пленум“ ги објавуваше на својот фејсбук-профил, а не преку професори поединци. Оттука, може да се заклучи дека ова било индивидуална одлука на професорката. Притоа, можеле, ако сакале, мислење да побараат и од другите професори. Така текстот би добил и содржајност, што не е и сега случај. Поради тоа, не може еден текст да ги подведува сите професори поради една изјава и да ги става во ист кош.
ПОЛОВИНА ТЕКСТ – КОМЕНТАР
„Вакво погазување на сопствениот збор од професори не може, а да не остави дамка врз нив. Нивното барање и согласување да учествуваат во дебата е регистрирано од телевизиските камери. Сегашното однесување само ги демаскира вистинските прилики зошто тие одбиваат улчество во дебатата.“
Понатаму текстот е коментар, преку кој се продолжува со омаловажувањето на професорите. Повторно се употребуваат зборови како „нивното“ и „тие“, иако како извор во приказната ја користат само изјавата на Ванковска.
Да биде уште пострашно, тие не ја ни линкуваат изјавата, туку паушално тврдат дека „професорите прифатиле дебата“. Професионално би било да го линкуваат изворот и да кажат што и како било. Вака испаѓа дека треба да им се верува само на чесен збор, без притоа да дадат конкретен аргумент за тоа. Башка што веднаш потоа „Професорски пленум“ на својот фејсбук-профил објави и соопштение зошто нема да учествува на дебатата, но текстот тоа го нема земено предвид и продолжува по ист терк.
Ова е уште ден спин од текст. Не може новинарски производ да си дозволи подводливост. Секој новинарски текст, исто така, мора да има објективност, што во овој случај не е така. Поради тоа може да се заклучи дека овој напис е уште еден од пропагандната машинерија за разбивање на професорското јадро.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
официјални, неофицијални
нерелевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
поврзан со тагови