Рецензија: Русинките повеќе нема да можат да носат гаќички од чипка
Објавено во Рецензии
on 1 - 07 - 2014 Автор: Владо ЃорчевОвој текст неумесно ја искривува вистината. Во најголем дел тоа го прави насловот, но и понатаму текстот оди во тој правец. Имено, не се работи за тоа дека Русинките нема повеќе да носат гаќички од чипка, туку дека Русија забранува увоз на синтетика. Едно со друго нема врска, но, се разбира, насловот е тука да привлече повеќе читатели.
Линк до оригиналниот напис: Русинките повеќе нема да можат да носат гаќички од чипка
Датум и време на објавување: 28.06.2014, 19:58
Датум на рецензирање: 30.06.2014
Рецензент: Владо Ѓорчев
ТЕМА ОД ЖОЛТ ПЕЧАТ
Иако наизглед темата е бенигна, или, пак, така е претставена (инаку, се работи за сериозен закон кој опфаќа повеќе држави), не смее да се заборави вистинитоста. Тука толку е извртена вистината што дури темата добила и нов лик. Па, од сериозно четиво за закон и за штетноста на синтетиката, станала тема од жолтиот печат.
Нема извори на информација, најверојатно се работи за превод од странски текст, но нема наведено од кој.
Темава во други околности заслужува внимание. Инаку, во текстот е добро обработена „вистинската“ тема, а запазени се и стандардите. Убаво е објаснето од кога и за каков закон се работи, како и последиците и санкциите од него.
Нема пристрасност, само претпоставувам, се сакало да се привлече малку повеќе внимание.
ИЗВРТЕНА ВИСТИНА
Нема коментирање, туку пренесена вест-информација.
Не може да се утврди дали текстот е оргинален или е преземен од друг македонски медиум. До завршувањето на рецензијата не сретнавме друг ваков или сличен текст.
Насловот е изнасилен што, всушност, и го донесе текстот за рецензија. Изнасилена и невистинита е тезата пласирана во него.
Фотографијата, исто така, е посебна приказна. Обично порталите имаат навика ако станува збор за некоја тема за гаќички, на пример, да стават и гаќички на фотографија. Иако темата е за закон и за реперкусии.
Недозволиво е да се пласира една тема на ваков начин. Посебно што со тоа се извртува вистината. Ја разбирам потребата да се привлечат повеќе читатели посебно во лето, кога и онака посетата на порталите е намалена. Но, сепак, треба да се запазат правилата посебно од медиум кој досега важел за еден од најкоректните во таа смисла.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
сеопфатнo
можеби се прикриени информации
ПРИСТРАСНОСТ
делумно прикажува вистина
не може да се утврди
не може да се утврди
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови