Информативност слаба, содржајност слаба, пристрасност силна!
Објавено во Рецензии
on 22 - 06 - 2015 Автор: Владимир Мирчески
[Рецензија: Премиерот сподели видео на Фејсбук: погледнете какво моќно видео сподели премиерот на Фејсбук!]
Зошто рецензија? Зашто е чиста и евтина пропагнада чие место е во партиските, а не во јавните гласила.
Рецензија: Премиерот сподели видео на Фејсбук: погледнете какво моќно видео сподели премиерот на Фејсбук!
Датум и време на објавување: 19.06.2015
Датум на рецензирање: 20.06.2015
Рецензент: Владимир Мирчески
НИ СРАМ, НИ ПЕРДЕ
Без многу размислување. Ова е чиста политичка пропаганда, а не новинарски материјал. Земена е објава од фесјбук-профилот на премиерот и едноставно е залепена на портал што претендира да биде или, пак, се продава како информативен. Од новинарство овде нема ниту најмали траги. Нема каква било авторска интеревенција, туку само „копи-пејстирање“ на политичка порака во оригиналната видеоформа.
Пропаганда: идеи или изјави што често се лажни или преувеличени и што се шират за да се помогне одредена кауза, политички лидер, влада…
Оттука се гледа дека приложеното ги исполува условите за да се нарече пропаганда. Без срам и перде промотивниот видеозапис по повод 25-годишнината од формирањето на владејачката партија е претставен како вест во рубриката „Актуелно“. Притоа, нема ниту еден ред некаков текст што би дал до знаење дека, сепак, можеби имаме работа со некаков новинарски труд.
Новинарот мора да обезбеди професионална дистанца од политичките субјекти – член 14 од Кодексот на новинари.
Минималниот, поточно никаквиот ангажман е заокружен со наслов што стомакот тешко го вари:
„ПРЕМИЕРОТ СПОДЕЛИ ВИДЕО НА ФЕЈСБУК: ПОГЛЕДНЕТЕ КАКВО МОЌНО ВИДЕО СПОДЕЛИ ПРЕМИЕРОТ НА ФЕЈСБУК!“
А „моќното“, всушност, е монтирано, за политички цели, „видео“ од „постигнувањата“ на актуелната власт со, секако и разбирливо, премиерот и лидерот на партијата во главната улога. Величење кое веќе преминува во идолопоклонство.
Информативност слаба, содржајност слаба, пристрасност силна! А што да се очекува од материјал инспириран само од партиската огласна табла на интернет?
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
1 извор
еднострани
СЕОПФАТНОСТ
можеби се прикриени информации
ПРИСТРАСНОСТ
делумно прикажува вистина
не може да се утврди
не може да се утврди
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
нема ниту „а“ од авторство
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
нема
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
нечитлив
квалитетни мултимедијални елементи
нема контекстуални линкови
делумно стилски уреден
неповрзан со тагови