Замена на тези – ниту „Т“ за тортурата при апсењето на Бошкоски
Објавено во Рецензии
on 31 - 03 - 2016 Автор: Љубомир Костовски
[Рецензија: СЈО ПРИЗНАВА ДЕКА ЉУБЕ ГО ПРОДАВАЛ ИМЕТО: Ама, спорно е тоа што полицајците го пцуеле?!]
Истрагата што деновиве ја отвори тимот на Катица Јанева против протагонистите на апсењето на лидерот на партијата Обединети за Македонија беше вперена против начинот на кој тој беше лишен од слобода. На прес-конференцијата обвинителниот тим на ниту еден начин не навлезе ниту во тогашниот обвинителен акт, ниту во текот и крајот на судењето, ниту во височината на казната. Нивниот повод за истрагата не е поврзан ниту со актуелниот факт дека Љубе Бошкоски ни по пет години од апсењето не го доби правото на слободен викенд како примерен осуденик, на што инсистираат неговите сопартијци.
Линк до оригиналниот напис: СЈО ПРИЗНАВА ДЕКА ЉУБЕ ГО ПРОДАВАЛ ИМЕТО: Ама, спорно е тоа што полицајците го пцуеле?!
Датум и време на објавување: 28.03.2016
Датум на рецензирање: 30.03.2016
Рецензент: Љубомир Костовски
МЕСТО БАБИ – ЖАБИ
„Катица Јанева и Фатиме Фетаи денес не можеа да најдат ниту еден аргумент во одбрана на Љубе Бошковски дека тој не се договарал за промена на името со цел на нелегален начин да му биде финансирана политичката кампања. Со ова практично се потврдува дека Бошковски преку пазар за името незаконски ја финансирал кампањата, а дека единствената дилема во овој случај која ја има Специјалното јавно обвинителство е дали кон Бошковски биле упатувани пцовки за време на приведувањето.“
Од мигот на излегувањето на трите обвинителки пред медиумите и соопштувањето на отворањето на наведениот предмет, во кој , како што беше кажано, ороводец е довчерашниот прв човек на УБК, отворен е брз и широк фронт против СЈО. Овој текст е само илустрација како, можеби, би се правела одбраната на потенцијално осомничените – шефот на УБК и неговите први соработници (ќе се одбегнува предметот на обвинението за тортура и за примена на незаконски средства при апсење осомничен, а ќе се изнесуваат многу детали од досието „Кампања“).
ЗЛОУПОТРЕБА НА НОВИНАРСТВОТО
Имаме класична замена на тези: наместо настапот на обвинителката Фетаи на прес-конференцијата и изнесување на основата за прогонот, имаме цитати од случајот кој бил повод и основа за судење на лидерот на ОМ. Се префрлуваме назад пет години и читаме за детали од истрагата (тајното следење на Љубе Бошковски) и од обвинението на ОЈО од тоа време („Кампања“), кое, пак, со ниту еден збор не е споменато како предмет на истрага на тимот на Јанева. Исто така, Бошкоски не се најде во Идризово поради толку споменуваното „името не го даваме“, туку беше уапсен поради „противправно прибавување парични средства во износ од 130.000 евра заради финансирање политичка кампања на партијата“.
Прашањето на тортурата во написот не се споменува ниту со „т“ ниту, пак, се изнсуваат другите релевтни детали од обраќањето на обвинителката Фетаи, која вторпат станува јунак на денот кај слободољубивиот народ. Се споменуваат пцостите, кои, според оваа објава, се дозволени ако некој така „подмолно“ размислувал за нашиот идентитет. Безмалку доаѓаме до точката кога полицијата може да линчува заради „природата на сомнежот“.
Од ваквите новинарски текстови секако може да се направи „конгресна библиотека“ на текстови со замена на тези, за некои идни новинари од нив да учат како не треба да се злоупотребува занаетот.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
делумно
делумно
ИЗВОРИ НА ИНФОРМАЦИИ
има евидентирани извори
официјални, анонимни
релевантни, нерелевантни
повеќе извори
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
има контекстуални линкови
делумно стилски уреден
неповрзан со тагови