„Врескачки“ тенденциозно
Објавено во Рецензии
on 25 - 07 - 2015 Автор: Зоран Бојаровски
[Рецензија: Чувајте се! Албанец се обидел да ограби македонско семејство во Парга]
Ова е еден од оние гранични примери на неетичко новинарство. Колку е важна националната или етничката припадност на крадецот, на ограбените или на тој што го пријавил грабежот или предупредил за него? Воопшто не е важна.
Но, пред да преминеме на елаборација на нашата констатација од претходниот став на оваа рецензија на новинарскиот извештај за тој настан, ќе се повикаме на членот 10 од Кодексот на новинарите, кој вели:
Новинарот нема свесно да создава ниту преработува информации што ги загрозуваат човековите права или слободи, нема да говори со јазикот на омразата и нема да поттикнува на насилство и на дискриминација по која било основа (национална, верска, расна, полова, социјална, јазична, сексуална ориентација, политичка…).
Линк до оригиналниот напис: Чувајте се! Албанец се обидел да ограби македонско семејство во Парга
Датум и време на објавување: 21.07.2015, 20:19
Датум на рецензирање: 24.07.2015
Рецензент: Зоран Бојаровски
Кражбата, настанот за кој известува оваа медиумска содржина, веројатно е редовна појава во ова време во туристичките места. Тука не сакаме да потцениме што било во врска со оваа појава ниту, пак, траумата на ограбените. Напротив, сочувствуваме со нив, но тврдиме дека нема никаков знак дека се работи за тренд Албанци да ограбуваат Македонци и само Mакедонци континуирано. Тaков тренд би бил вреден за новинарска информација, но вака имаме само една сензационалистичка вест.
Тоа го потврдува и насловот. Тој е „врескачки“ и тенденциозен.
Оттаму, се повикуваме и членот 11 од Кодексот на новинарите кој квалитетно и предупредувачки го дополнува и претходно споменатиот, 10. член од Кодексот:
Новинарот ќе се придржува и на општо прифатените општествени стандарди на пристојност и почитување на етничките, културните и религиозните различности во Македонија.
За жал, од непознати причини, на некои новинари им се далечни овие препораки, но затоа, пак, тука се граѓанските медиумски „стражи“ да регистрираат и да укажат на нив.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Најверојатно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
наклонетост
политичка пристрасност, друга пристрасност
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
Скриен
не потикнува на насилство
Скриено
УРЕДЕН ЗА ВЕБ
читлив
квалитетни мултимедијални елементи
нема контекстуални линкови
делумно стилски уреден
неповрзан со тагови