Веста има потреба од што е можно повеќе факти
Објавено во Рецензии
on 27 - 08 - 2015 Автор: Fatlume Dervishi[Рецензија: „Гласовите ги земаат во Шипковица, но пари не даваат“]
Камуфлажата на еден текст, кој е коментар, како вест, е голема професионална грешка на новинарот. Во нашите медиуми ова се случува често. Новинарите со право се обидуваат да бидат критични кон работата на политичките лидери, барајќи одговорност за нивните обврски. Но, овие нивни напори може да се сметаат за празни доколку не се потпираат на извори и на факти.
Линк до оригиналниот напис: „Гласовите ги земаат во Шипковица, но пари не даваат“
Датум и време на објавување: 17.08.2015
Датум на рецензија: 20.08.2015
Рецензент: Фатљуме Дервиши
Целта на новинарот, во веста што ја рецензираме, била да ги критикува лидерите на најголемите албански партии, Али Ахмети и Мендух Тачи, за нивното неангажирање „со морална поддршка, а да не говориме за финансиска“, за жителите што се засегнати од поплавите во Шипковица. Загриженоста на новинарот за овој случај е повеќе од разбирлива. Тоа што ја прави веста оскудна е недостигот од извори кои би го потврдиле тоа што го бара новинарот.
Новинарот во написот вели: „Ако овие гласови ги направија пратеници Ахмети и Тачи, каде што платата на еден пратеник е повеќе од илјада евра, тогаш зошто Ахмети и Тачи не дадоа по една плата како солидарна помош од нивниот џеп за Шипковица?“
И навистина, тоа е едно прашање кое можеше да им биде поставено на политичките лидери. Но, за да се избегне моментот текстот да се смета за лично мислење, новинарот требало да земе или да се обиде да земе одговори од тие што ги спомнува.
Во Новинарскиот кодекс на Македонија, за овие случаи се вели:
Новинарот треба да прави разлика меѓу фактите и мислењата, меѓу веста и коментарот.
Новинарите имаат право на свое мислење, став и вредносен суд, но не смеат сопственото мислење да го камуфлираат како факти.
Мора да биде јасно разграничено што се факти и информации, а што коментар, претпоставка или став на авторот за да се одбегне дезинформирање и манипулирање со публиката.
Секој текст може да покрене одредени дилеми. И прашања како ова, за тоа колкави добротвори се нашите политичари. Но, ако таквите текстови не се доведат до крај, без да се добие одговор, остануваат тенденциозни и не успеваат да ја информираат јавноста. Би било од интерес да дознаеме дали нашите лидери дале лични придонеси или не, но тоа од овој текст не успеваме да го дознаеме.
Начинот на кој е напишан текстот, би одговарал за рубриката „Коментар“. Во таков случај, јавноста не би очекувала да биде информирана, туку однапред би знаела дека се работи за личен став на авторот што го напишал текстот.
(Од Сервисот за проверка на факти во медиумите на албански јазик)
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
не може да се утврди точноста на наводите
нема
ИЗВОРИ НА ИНФОРМАЦИИ
нема евидентирани извори
ниту еден извор
ниту една страна
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
Не може да се утврди
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
КВАЛИТЕТ НА НАСЛОВОТ
дезинформира
некреативен
побудува љубопитност
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
нема мултимедијални елементи
нема контекстуални линкови
делумно стилски уреден
неповрзан со тагови