Вест темелена на шпекулации и со непрецизни извори
Објавено во Рецензии
on 13 - 02 - 2017 Автор: Димитар Тануров
[Рецензија: Албански медиуми: Раскол во ДУИ по средбата со СДСМ]
Написот пренесува шпекулативни информации, наводно, од други медиум кои не се јасно наведени, а информациите воопшто не се потврдени. Вака поставените (дез)информации наликуваат на спинувана приказна која треба да фрли поинакво светло на ситуацијата во ДУИ.
Линк до оригиналниот напис: Албански медиуми: Раскол во ДУИ по средбата со СДСМ
Датум и време на објавување: 07.02. 2017
Датум на рецензирање: 10.02.2017
Рецензент: Димитар Тануров
НЕПРОВЕРЕНА ИНФОРМАЦИЈА
Текстот се повикува на некои албански медиуми, но не се открива кои се тие медиуми кои, наводно, ја соопштуваат информацијата.
„Според неофицијални иформации кои ги пренесуваат албанските медиуми во ДУИ и натаму е тензично откако партијата вчера преку своите потпретседатели оствари средба со своите колеги од СДСМ каде беа извршени првите директни разговори за формирање на нова влада“.
Уште во првата реченица се наведува дека станува збор за неофицијални информации на одредени медиуми, но никаде не се наведува поконкретно кои се изворите на наводните албански медиуми, ниту, пак, овој напис кој ја пренесува ваквата информацијата се обидува да ја провери.
Ако во првиот дел на веста, информацијата е општа и без конкретно посочување, во вториот дел се наведува дека Муса Џафери, наводно, е предводник на партиско крило кое, како што се тврди, не само што е против коалицирање со СДСМ, туку било подготвено и да се отцепи од ДУИ. Ваквите информации, исто така, не се потврдени.
Ваквиот пристап е спротивен на стандардите утврдени во Кодексот на новинарите, каде е прецизирано дека треба да се објавуваат точни и проверени информации, а изворите кои се користат да бидат идентификувани или, барам, соодветно лоцирани, ако бараат да останат анонимни. При преземањето информација од друг медиум, пак, тој треба да биде наведен и линкуван до оригиналната информација. Истовремено, новинарот треба да прави разлика меѓу коментар и вест и да обезбеди професионална дистанца при информирање за политички процеси.
Но, наспроти принципите на добрата новинарска практика, целиот текст е шпекулативен, коментаторски, без прецизни извори и без ниту еден проверен и потврден факт. Освен дека имало средба меѓу претставници на ДУИ и на СДСМ, сè друго во написот изгледа како фикција која треба да прикаже некаква хаотична состојба во оваа партија од албанскиот политички блок.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални, анонимни
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
делумно стилски уреден
неповрзан со тагови