Турлитава со навреди поради ѓеврекот со сланина
Објавено во Рецензии
on 15 - 09 - 2016 Автор: Димитар Тануров
[Рецензија: БЕЈЛИ ЈАДЕШЕ ЃЕВРЕК, ГЕРИЗ СЕ ВОЗБУДИ: Гериз не информираше што доручкувал Бејли, се чека информација за тоа што какал?]
Написот, кој не може – и не заслужува! – да се нарече новинарски, претставува омаловажување и потсмејување со колега – новинар, што е надвор од сите професионални стандарди. Истовремено, јасно е оти е напишан со една цел – критикување на работата на американскиот амбасадор Џес Бејли.
Линк до оригиналниот напис: БЕЈЛИ ЈАДЕШЕ ЃЕВРЕК, ГЕРИЗ СЕ ВОЗБУДИ: Гериз не информираше што доручкувал Бејли, се чека информација за тоа што какал?
Датум и време на објавување: 14.09. 2016
Датум на рецензирање: 14. 09. 2016
Рецензент: Димитар Тануров
НАСЛОВОТ КАКО „ОТВОРАЊЕ“ НА КОМЕНТАРОТ
Самиот наслов на објавата најавува дека текстот повеќе ќе биде насочен кон давање коментари и омаловажување отколку кон пренесување информации и факти.
Текстот е објавен во категоријата „Македонија“ и нема наведено автор. Според категоријата во која е објавен, би требало да претставува вест, но според содржината и формата, повеќе наликува на колумна или коментар. Сепак, имајќи предвид дека нема наведен автор, ниту, пак, е истакнато дека текстот претставува некаков редакциски став, не може да се класифицира во гореспоменатите новинарски жанрови.
Во првиот пасус се пренесува главната информација, а потоа се коментира и се дава лично, а непотпишано, мислење за изнесениот податок. Истовремено се упатуваат директни, непоткрепени со факти, критики за начинот на кој американскиот амбасадор Џес Бејли дејствува и работи во Македонија. Во објавата, исто така, и се навредува амбасадорот, нарекувајќи го „Џокерот од Кале“ и наведувајќи дека има блудни желби.
Ваквите напади се крајно непрофесионални и спротивни на Кодексот на новинари, а истовремено претставуваат и клевета.
„АРГУМЕНТАЦИЈА“ СО ВУЛГАРНИ НАПАДИ
Понатаму во текстот се врши напад на уредник на друг медиум, нарекувајќи го „мизерен“ и напаѓајќи го неговиот професионален дигнитет, наведувајќи:
„Неговото достоинство, човечност, идентитет, битие е продадено и зависи од тоа дали денес ќе му се допадне ѓеврекот со сланина на Бејли или не. Е, сега чекаме информација на порталчето на Гериз за содржината на фекалната материја која ќе ја искака Бејли“.
Последната реченица од написот е уште еден показател за непочитување на стандардите и на Кодексот на новинари, односно во неа се кршат неколку члена:
Член 13
Новинарот треба да прави разлика меѓу фактите и мислењата, меѓу веста и коментарот.
Член 15
Новинарот мора да ја негува културата на говорот и етиката. Неспојлива со новинарската професија е непримерната комуникација со јавноста.
Член 16
Новинарот ќе ги чува угледот и достоинството на својата професија, ќе ги поттикнува заемната солидарност и различност на ставовите и нема да го употреби својот медиум за пресметка со личности, вклучувајќи ги и своите колеги.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
посочен е текстот кој е шлагворт за ниските напади.
неофицијални
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
наведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
дискриминира
национална дискриминација, политичка дискриминација
УРЕДЕН ЗА ВЕБ
читлив
не апликативно
нема контекстуални линкови
делумно стилски уреден
неповрзан со тагови