Тенденциозен напис за Руфи Османи – фотографија без елементи на вест
Објавено во Рецензии
on 1 - 12 - 2016 Автор: Xhenis Sulimani
Напис: Руфи Османи на овие избори ѝ дава подршка на ДУИ
[Рецензија: Руфи Османи на овие избори ѝ дава подршка на ДУИ]
Новинарството може да зборува преку фотографија во случаи кога таа е вест и кога нема потреба за дополнителни објаснувања. Во други случаи, заедно со фотографијата, за да се докаже едно тврдење, потребни се и други аргументи. Сликата може да биде појдовна точка по која ќе се наредат аргументите, но не и вест сама по себе.
Според новинарските стандарди, во една вест зборуваат фактите, а не само фотографијата. Треба да имаме предвид дека изреките „сликата ни кажува“ или, пак, „една слика – 1000 зборови“, не секогаш соодветствува со новинарскиот професионализам, особено кога самата фотографија не претставува неприкосновен факт, со јасна и значајна порака. Во новинарството зборуваат фактите.
Линк до оригиналниот напис: „Руфи Османи на овие избори ѝ дава подршка на ДУИ“
Датум и време на објавување: 17.11.2016
Датум на рецензирање: 26.11.2016
Рецензент: Џенис Сулимани
Текстот што го рецензираме е заснован на една фотографија, која во текстот е толкувана според желбата на авторот. Еден од протагонистите на сликата е и еден поранешен политичар, универзитетскиот професор Руфи Османи. Тенденциозноста кон Османи почнува уште од самиот наслов „Руфи Османи на овие избори ѝ дава подршка на ДУИ“. Ваквата наводна поддршка во содржината се настојува да се аргументира со една слика на која се гледа Османи во присуство на високи функционери на ДУИ.
„Поранешниот претседател на НДП и градоначалник на Општина Гостивар, Руфи Османи, по неговото повлекување од НДП изјави дека веќе нема да се ангажира во политиката. Но, оваа слика до која стигна порталот „Шќипмедиа“, на која се гледа Руфи Османи со министерката од ДУИ, Шухрете Елези, и со потпретседателката на ДУИ, Теута Арифи, по сè изгледа го докажува спротивното. Иако нема информации дали Руфи Османи ќе се врати во политиката, едно е сигурно: неговите симпатии веќе не се за НДП, туку за ДУИ. Кој знае, можеби по изборите и ДУИ ќе го награди со нешто…“
Во продолжение, наместо да се набројат факти, во текстот се наредени лични толкувања на новинарот. Јавноста не е информирана околу тоа на каков настан или, пак, во кој контекст е направена оваа фотографија. Читателот не знае што мисли именуваното лице за толкувањето кое е направено во содржината. Без факти и без објаснувања, текстот е тенденциозен и многу лесно може да се нарече и неточен, необјективен и едностран.
Во текстот требаше да има повеќе информации за настанот на кој се сликани личностите кои се споменуваат, потоа да содржи изјви од нив за некоја можна идна соработка на политички план, како што настојува да нè убеди авторот на текстот, но не цитирајќи притоа ниедна од „страните“ и не нудејќи дополнителни факти.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
несоодветна
манипулира
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
УРЕДЕН ЗА ВЕБ
читлив
не апликативно
нема контекстуални линкови
стилски неуреден
неповрзан со тагови