Текст што коректно информира за јавниот интерес
Објавено во Рецензии
on 25 - 10 - 2016 Автор: Владо Ѓорчев
[Рецензија: Кочници за СЈО: Телеком дава отпор, ВИП и ОНЕ соработувале]
Сериозните медиуми секогаш водат сметка за јавниот интерес и врз основа на тоа ги определуваат темите. Затоа и овој текст, кој по сите критериуми заслужува позитивна рецензија, придонесува за создавање критичко мислење во општеството, поттикнува јавна дебата за прашања од општ интерес и, едноставно, е совест на заедницата.
Линк до оригиналниот напис: Кочници за СЈО: Телеком дава отпор, ВИП и ОНЕ соработувале
Датум на објавување: 20.10.2016, 14:49
Датум на рецензирање: 25.10.2016
Рецензент: Владо Ѓорчев
Испочитуван е еден од основните принципи на однесување на новинарите, кој произлегува од Кодексот на новинарите на Македонија, а тоа е дека треба да се почитува вистината и дека јавноста треба да биде информирана за прашањата од јавен интерес.
„Најголем отпор во соработката за предистражната постапка за прислушувањето која ја води Специјалното јавно обвинителство доаѓа од Македонски Телеком, дознава НОВАТВ. ВИП и ОНЕ соработувале, но од Телеком одбивале да бидат дел од истрагата на СЈО. Со оваа компанија обвинителството на Јанева засега нема никаква соработка, иако таа е неопходна бидејќи прислушувањето во најголем обем се врши преку следење на разговорите на мобилните телефони“.
Изворите, иако се анонимни, создаваат чувство дека се коректни. Тие се релевантни, а тоа го потврдува и делот од текстот што ја обработува поврзаноста на првиот човек на „Македонски телеком“ со други фирми. Објавена е неговата биографија и врската со луѓе кои се блиски на владејачката партија.
Со тоа се испочитувани основниот принцип и членот 1. на Кодексот на новинарите на Македонија:
Новинарот треба да објавува точни, проверени информации и нема да прикрива суштински податоци и да фалсификува документи.
Испочитувана е и Минхенска декларација за правата и за обврските на новинарите усвена 1971 година во Минхен, односно поглавјето за должностите на новинарот:
Новинарот мора да ја почитува вистината, без разлика на последиците по него, бидејќи јавноста има право да ја знае вистината.
Сторијата има одговорен новинарски пристап, документирана е со многу конкретни факти. Материјалот е читлив, има добар приод и содржина и заслужува позитивна оцена. Во него се испочитувани професионалните стандарди што произлегуваат од Кодексот на новинарите и претставува убав пример за тоа како треба да се информира за прашања од јавен интерес.
Имаме квалитетно сработен текст кој успева да ја долови сликата. Заслужува позитивна рецензија затоа што го почитува правилото дека јавноста секогаш има право да ја знае вистината.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
ИЗВОРИ НА ИНФОРМАЦИИ
има евидентирани извори
официјални, анонимни
релевантни
повеќе извори
СЕОПФАТНОСТ
сеопфатнo
ПРИСТРАСНОСТ
не може да се утврди
нема извртување на вистина (спин)
не може да се утврди
не аплиактивно
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
креативен
сензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
поврзан со тагови