Текст погоден од астероид!
Објавено во Рецензии
on 19 - 05 - 2016 Автор: Владо Ѓорчев
[Рецензија: Астериод ќе не погоди на 16 мај, а светската војна ќе почне во јуни]
Текстот предизвикува вчудовиденост и реакции од типот „Што сè нема во медиумите“! А тoa што во моментот ја читате оваа рецензија значи дека сте меѓу среќниците што го преживеале падот на астероидот!
Линк до оригиналниот напис: Астериод ќе не погоди на 16 мај, а светската војна ќе почне во јуни
Датум и време на објавување: 14.05.2016, 13:06
Датум на рецензирање: 17.05.2016
Рецензент: Владо Ѓорчев
ПЕРУАНСКИОТ ПРАВНИК И АСТРОНОМИЈАТА
Овој напис е пишуван и пласиран во сензационалситички манир. Тој уште во насловот ни соопштува дека сигурно ќе нè погоди астероид и дека светска војна ќе почне во јуни! Неговата единствена цел е да привлече што поголемо внимание и читаност, притоа пренебрегнувајќи го фактот дека ја измамува пупбликата и свесно шири паника. А тоа не е новинарство.
Написот, веројатно е „позајмен“ од друг медиум, каде со ист наслов е објавен пред два месеца (31 март 2016 г.), но тоа не е кажано. Инаку, текстот се повикува на „видовитиот Пастор Рикардо Салазар“, кој
„предвидува дека Кина и Русија ќе заочнат војна против САД три месеци откако Европа, поради наезда на бегалци, ќе ги затвори своите граници…“
Во написот Салзар е претставен само како „перуански правник кој живее во Јапонија, а има план да го изгради најголемиот христијански храм на светот“ и тој раскажува дека
„во соништата и предвидувањата му се јавил Бог и му декол дека всушност тој е канал за пренесување на предвидувањата“.
Од оваа објава не може да се разбере каква врска има „перуанскиот правник“ со астрономијата и проучувањето на движењето на небеските тела, со геостратегиската политика, глобалните движења и со економските процеси и зошто читателите да им веруваат на неговите прогнози, како, на пример, онаа дека во
„Март 2017: Кинескиот јуан ќе стане првата глобална валута“.
Вакви (дез)информации за трета светска војна и предупредувања дека на планетата Земја ѝ се заканува огромен астероид, постојано се појавуваат во медиумите. Тоа, меѓу другото, говори и на кое дереџе е дојдено македонското новинарство, кога главни теми ни се баба Ванѓа, Нострадамус, Иван исцелителот, јасовитката Клеопатра…
Четива без никаква новинарска вредност и кои се пласираат само заради повеќе кликнувања.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неточни наводи
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални, анонимни
нерелевантни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
лажни информации
не аплиактивно
КОМЕНТИРАЊЕ
нема коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
неповрзан со тагови