„Тајна средба“ на јавно место и сред бел ден?!
Објавено во Рецензии
on 11 - 01 - 2017 Автор: Симона Атанасова
[Рецензија: КОЛЕДАРСКА ПЕСНА НА ЗАЕВ НА ВРАТАТА НА БЕСА: СДСМ крева раце од формирање на Влада, заедно со радикалите од Беса спремаат насилни протести!]
Една средба е доволна да се изнесат куп манипулации, да се испревртат фактите и да се добие реалност далеку од фактичката. Лидерот на СДСМ, Зоран Заев, и раководството на движењето Беса одржале средба за која медиумот тврди дека била тајна. Доколку средбата навистина била тајна, тогаш како има неколку новинарски екипи на местото каде што се одржувала и зошто ако средбата е толку тајна, таа би се одржала во партиското седиште на Беса, кое се наоѓа на многу јавно место во трговскиот центар „Мавровка“?!
Линк до оригиналниот напис: КОЛЕДАРСКА ПЕСНА НА ЗАЕВ НА ВРАТАТА НА БЕСА: СДСМ крева раце од формирање на Влада, заедно со радикалите од Беса спремаат насилни протести!
Датум и време на објавување: 06.01.2017
Датум на рецензирање: 10.01.2015
Рецензент: Симона Атанасова
ТЕЛЕВИЗИСКИ КАМЕРИ И „ТАЈНИ РАЗГОВОРИ“!
„Денес нема соопштение од СДСМ ниту од Беса за тоа што се разговарало на тајната средба на која што покрај Зоран Заев, од СДСМ присуствувал и генералниот секретар на СДСМ Оливер Спасовски. И покрај обидите да се сокријат од јавноста, не успеаја да се сокријат од камерите кои ги уловија двајцата во ТЦ Мавровкa“.
Можеби немало официјални партиски соопштенија за средбата, но во овој напис не е направен обид да се контактираат партиите и да се дознае за што, всушност, се разговарало на средбата. Не само што не е побаран официјален партиски став, туку медиумот без докази шпекулира дека разговарале за „федерализирање на Македонија преку промена на Уставот, а со помош на албанската дијаспора и Владата во Тирана“.
Иако, овој медиум целиот текст го базира на немање официјално соопштение за средбата, друг медиум се обидел од партиите да дознае за што станува збор.
„Заев не сакаше да каже детали од средбата , само кусо рече дека е нормална и обична средба. Од СДСМ за 24 Вести велат дека тоа е нормална средба меѓу лидери на две партии особено во ваков период во кој претстои формирање на влада.
На ист став и од БЕСА – нормална постизборба средба , во пресрет на евентуални комбинаторики за ново мнозинство. Средбата доаѓа кога наголемо се прават партсики комбинаторики и калкулации кој прв ќе стигне до потребните 61 глас за да формира нова Влада“.
НЕТОЧНА ИНФОРМАЦИЈА
Подолу написот без никаква поткрепа констатира дека поради оваа средба, „Заев му зарил нож во грб на ДУИ и Али Ахмети“, а не е познато како е извлечена оваа констатација.
Освен тоа се тврди дека текст објавен на друг медиум (непознато за кој текст станува збор), наводно, најавил дека СДСМ ќе ги крене рацете од формирањето влада и дека заедно со Беса ќе се организираат насилни протести.
Ова е сосема неточно и за ваква констатација нема потврда од ниту една инволвирана страна. Со ова текстот само намерно ги манипулира читателите и се обидува да ја изврти нивната перцепција.
Овој текст не ги почитува етичките вредности и професионалните стандарди во пренесувањето на информациите пропишани во Кодексот на новинарите, каде што се вели дека новинарите треба да бидат чесни, објективни и точни.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
повеќе извори
повеќестрани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
нема контекстуални линкови
стилски неуреден
неповрзан со тагови