Спинерска конструкција
Објавено во Рецензии
on 3 - 03 - 2017 Автор: Димитар Тануров
[Револтирани граѓани до Шилегов: Ќе ја продаваш ли Македонија? (ФОТО)]
Написот е коментаторски и претставува своевидно слободно толкување на фотографија, без притоа да се запазат новинарските жанрови и стандарди за професионално информирање.
Линк до оригиналниот напис: Револтирани граѓани до Шилегов: Ќе ја продаваш ли Македонија? (ФОТО)
Датум и време на објавување: 27.02. 2017
Датум на рецензирање: 02.02.2017
Рецензент: Димитар Тануров
ЛОШ МИКС
Написот, според својата форма, е мешавина од фотовест и од вест, но ако се анализира според содржината и начинот на кој е составен, може да се заклучи дека има премногу текст за фото-вест, а премалку податоци за вест.
„Ниту партискиот портпарол Петре Шилегов не е поштеден од гневот на револтираните граѓани кои остро се противат на обидот на Зоран Заев и СДСМ да ја загрозат унитарноста на Република Македонија преку целосното прифаќање на албанската платформа и воведување на двојазичност на целата територија на Македонија“.
Велат една слика вреди 1.000 зборови, но во случајот или сликата не е доволно добра за да ги замени зборовите или зборовите се потребни за коментаторски да се прикаже една поинаква општа слика. Во овој случај, станува збор за правење спин, а тоа може да се забележи преку коментаторскиот елемент дека, наводно, граѓани испишале политички графит на ѕидот на портпаролот на СДСМ, Петре Шилегов. Ваквото тврдење не е основано имајќи предвид дека официјално не се знае дали се обични граѓани или, пак, станува збор за партиски членови, активисти на ВМРО-ДПМНЕ.
Во написот недостига изјава од Шилегов, кој во случајот е жртвата на нападот, ниту, пак, има изјава од МВР, имајќи предвид дека се наведува дека ова не е прв ваков случај.
Во текстот не се запазени новинарските стандарди, кои се вметнати и во самиот Кодекс на новинарите, според кој секоја информација треба детално да се истражи, да се земат сите неопходни информации, да се прави разлика меѓу вест и коментар, да не се носат произволни заклучоци кои не се проверени и потврдени и да се обезбеди професионална дистанца при инфромирањето.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
анонимни
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
издвоено од фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
политичка дискриминација
УРЕДЕН ЗА ВЕБ
читлив
нема мултимедијални елементи
нема контекстуални линкови
делумно стилски уреден
неповрзан со тагови