Скеле од спинови
Објавено во Рецензии
on 19 - 04 - 2016 Автор: Љубомир Костовски
[Рецензија: Офанзива за одложување на изборите на 5 јуни]
Улогата на странскиот фактор во извлекувањето на земјата од големата политичка криза била проблематизирана и порано, ама е особено засилена откако шефот на државата отворено ги прозва дел од дипломатите. Беше за очекување дека таквиот настап на претседателот на државата, небазиран на ништо, ќе отвори нов „бараж“ кон западните земји и кон нивните претставници. Еве уште еден таков пример, каде се редат спинови, еден на друг…
Линк до оригиналниот напис: Офанзива за одложување на изборите на 5 јуни
Датум и време на објавување: 15.04.2016 10:03
Датум на рецензирање: 18.04.2016
Рецензент: Љубомир Костовски
ПИРАМИДА ОД НЕПОТВРДЕНИ ТЕЗИ
„Се обидел ли американскиот амбасадор во земјава Џес Бејли во текот н завчерашниот ден да изврши директно влијание за да се одложат изборите и да лобира во корист на специјалното јавно обвинителство и СДСМ? Ова прашање се отвора откако во текот на вчерашниот ден од извори на Дневник ни стигна информација дека тој имал средба со собранискиот спикер Трајко Вељановски, на која побарал да се разгледаат законските можности да се заобиколи одлуката за распуштање на парламентот, односно да се одложат изборите.“
Овој извадок е карактеристичен – многу „наши извори“, ама ниту еден именуван или цврст. Но, затоа на една непотврдена теза се надоврзува друга и се гради вистинска пирамида од непроверени информации! На ова прашање, поставено во извадокот, нема одговор ниту од Амбасадата на САД, ниту од спикерот, ама треба да го прифатиме како вистинито.
И кога тој извор не се потврдува, следува следна теза, како што се вели, „од истиот тој извор“. Непостоењето на сигурни сознанија се сокрива зад новата „сензација“, исто така непроверена. А таа гласи дека Јанева од СЈО поминала три часа во американската амбасада на денот на средбата со новинарите (се работи за 12 април 2016 г. – н.з.). Од амбасадата не одговориле, ама од СЈО негирале: Јанева целиот работен ден го минала на работно место.
СПИН ДО СПИН
Дали конечно падна „скелето“? Не! Текстот продолжува да ја турка сензацијата со теза дека веројатно не бил Бејли на средба со Јанева, ама бил некој службеник од амбасадата, кој ја искористил последната прес-конференција за да контактира со Јанева, небаре таа е во домашен притвор!
И веднаш по ова имаме нова конструкција, без потврда од ниту еден, каков било извор, дека паднал рејтингот на САД меѓу Македонците. Каде авторот го одмерил расположението ако никој јавно не излегол со конкретна статистика, мерење на јавно мислење и слично? Постојат, нели, начини како таквото интересно сознание, се разбира доколку постои како факт, да се пласира и да предизвика силна љубопитност!
И да не должиме – скелето оди нагоре кон небото по истиот урнек: непроверена, а „силна вест“, насочена кон странскиот фактор, како онаа дека, наводно, службеници на Амбасадата и на УСАИД се шетаат низ ходниците на судовите и ги малтретираат судиите. Со колку ли спинови во само еден текст се напаѓа една амбасада, а за тоа да се нема ниту една потврда?!
Ова е само уште една коцкичка во мозаикот на нашето спинерско новинарство.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
нерелевантни
не може да се утврди
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
несензационален
соодветен
јасен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
неповрзан со тагови