Синдромот „Салиери“ во новинарството
Објавено во Рецензии
on 23 - 08 - 2016 Автор: Зоран Бојаровски
[Рецензија: СE ПОВЕЌЕ ПРОПУСТИ ВО РАБОТАТА НА СЈО]
За добро новинарство има пишани и непишани правила. Има учебници, теоретчари, искусни колеги кои споделуваат знаење, од кое можат да се научат многу работи. Но, постои нешто што не се учи. Тоа е новинарскиот инстикт. Или го имаш, или го немаш. Ако го имаш, а не го храниш, инстиктот многу бргу ќе рудиментира и ќе стане – слепо црево.
Сѐ што можете да добиете од таквите „слепи црева“ е новинарство што страда од синдромот „Салиери“. Тоа е новинарство кое произлегува од тие што наместо да го развиваат сопствениот талент и од него да продуцираат добри резултати, ги опструираат, осуетуваат, им штетат, ги кодошат своите колеги. И тоа тие што си ги извлекуваат најдобрите поуки од препораките, знаењата и од искуствата и што произведуваат добро новинарство.
Линк до оригиналниот напис: СE ПОВЕЌЕ ПРОПУСТИ ВО РАБОТАТА НА СЈО
Датум и време на објавување: 20.08.2016, 15:38
Датум на рецензирање: 23.08.2016
Рецензент: Зоран Бојаровски
НОВИНАРСКИ ИНСТИНКТ – ИЛИ ГО ИМАШ, ИЛИ ГО НЕМАШ
Затоа медумската содржина што ја рецензираме е повеќе коментар, а помалку објективна информација. Наместо да истражи и врз основа на таа истрага и утврдени правила да донесе заклучок, оваа информација оддишува од емоции. Негативни.
Заборавиле дека во новинарството информациите не се добиваат „на тацна“, туку треба да ги ископаш. Тоа е тоа што не се учи, туку доаѓа од инстиктот.
Текстот ја сублимира својата поента во реченицата:
„Поканата за распит во едно истражно дејствие треба да е тајна, но тоа не важи за СЈО“.
А, инстиктот вели дека поканата за распит не е никаква тајна. За неа може да се дознае на еден куп начини – од поканетиот, од адвокатите, од домашните на поканетиот, од судските разнесувачи, итн.
Во законот за СЈО не постои одредба што определува дека на поканетите за распит во ова обвинителство им се гарантира тајност. Дали нешто ќе биде тајна, може да биде предмет на договор меѓу засегнатите страни. Инаку, кога станува збор за надлежноста на СЈО, кое постапува по кривични дела поврзани и кои произлегуваат од содржината на неовластено следење на комуникациите, сосема е јасно за што може да станува збор на договорените распити.
Се разбира, презумцијата на невиност останува врвен императив и за новинарите. Тоа што некој е повикан на разговор во судот, не значи дека е виновен.
Освен тоа, текстот е без извори и тоа автоматски го прави подложен на пристрасност, која е очигледна.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
неповрзан со тагови