Рецензија: Жолт облак над Белград поради кој минувачите викаа „Апокалипса!“
Објавено во Рецензии
on 11 - 06 - 2014 Автор: Владо Ѓорчев
Овој текст кога ќе го прочитате насловот очекувате и навистина да дознаете зошто би дошол судниот ден. Но, го нема. Исто како и во другите вакви слични текстови, кои поради насловот треба да ѝ се продадат на публиката. Инаку, да, ако напишете дека се насобраа црни облаци и ќе врне и ќе грми, тоа би го прочитале евентуално земјоделците.
Линк до оригиналниот напис: Жолт облак над Белград поради кој минувачите викаа „Апокалипса!“
Датум и време на објавување: 09.06.2014, 17:53
Датум на рецензирање: 10.06.2014
Рецензент: Владо Ѓорчев
ЗОШТО БИ СЕ ПИШУВАЛО ЗА ОБЛАК
Има облаци, нормално. Кога врне, пак, ги има уште повеќе. Тоа секогаш е така. Така е најверојатно и во Белград. Но, зошто би пишувале за облаци, нели. Освен ако не е апокалиптично. И е. Богами текстот е апокалиптичен.
Текстот нуди како извор фотографија, и, ако можеме да и веруваме на фотографијата (притоа да не се занимаваме со можни фотошопирања), навистина облаците се жолти. Ама, има едно „ама“ дека подоцна извесен господин од тамошните служби за оценување на времето кажува зошто е тоа така. И тој не прави никакви оградувања. Кратко и јасно кажува човекот. Ама, зошто тој, пак, би се нашол во насловот.
Нема содржина овој текст, ама, ете, еден облак се нашол да биде главна вест.
Инаку, пристрасноста во текстот се гледа во тоа што авторот сакал да добие што повеќе кликови. Се надевам дека немал некоја друга намера. На пример, да му поверуваме.
ШТО МОЖЕ ДА НАПРАВИ ЕДЕН НАСЛОВ
Насловот и текстот се коментаторски. Иако на крајот дури има и изјава, официјална, ама се одлучило насловот да биде коментар.
Не се знае дали веста е преземена или е авторска, затоа што нема наведено, ниту, пак, има линк. Но, тоа не е ниту толку важно. Тука важното е што од неважна вест е направена апокалиптична.
Насловот, се чини, е и најголемиот проблем. Иако и во првиот пасус текстот го надградува насловот. Ете што може да направи само наслов.
Фотографијата е од описот кој што го нуди текстот. Нема автор, ниту е кажано од каде е, па не може да се потврди ниту нејзината веродостојност.
Добро, сме рекле дека вакви текстови имало и ќе има. Но, се надевам дека барем ќе имаат помалку публика во иднина. Затоа што колку повеќе „лајкови“ на ваква вест по социјалните мрежи, толку е поголема можноста утредента да се разбудите со уште една, поголема АПОКАЛИПСА.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални, анонимни
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
Не може да се утврди
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор, ненаведен извор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
нема контекстуални линкови
делумно стилски уреден
неповрзан со тагови