Рецензија: Србија драстично го зголеми извозот кон Русија, а Македонија?
Објавено во Рецензии
on 13 - 10 - 2014 Автор: Љубомир Костовски
Иако темата за нашата извозна шанса, која ја дава ембаргото на извоз на храна во Русија од страна на САД, ЕУ и нивните сојузници не е нова, дури се чинеше дека е и апсолвирана, во овој весник зазеде неодамна виден простор. Навидум, поводот е сознанието дека српското стопанство достигнува ѕвездени мигови, користејќи ја дупката на пазарите во Русија, а нас, ете, нѐ нема никаде да се „омрсиме“ од ненадејно создадената шанса. Не е даден одговор што се сменило од пред два месеци на овој план – имаме ненадеен вишок на стока, на руските увозници одеднаш сме им станале омилени, или, пак, постои некое трето објаснување за таквиот „напор“ да се направи скок во нашиот увоз кај велесилата. Но, текстот со ниту еден факт, ниту извор не ја докажува тезата дадена уште со насловот.
Линк до анализираниот напис: Србија драстично го зголеми извозот кон Русија, а Македонија?
Датум и време на објавување: 06.10.2014
Датум на рецензирање: 08.10.2014
Рецензент: Љубомир Костовски
„Србија во првите шест месеци од годинава извезла земјоделско-прехранбени производи во Руската Федерација за 118 милиони долари, што е за 68 отсто повеќе во споредба со првото полугодие во 2013 година. Стопанската комора на Србија смета дека, и покрај ваквото зголемување, не се користат максимално можностите за извоз, а особено на свинско месо. За разлика од српските, македонските компании сѐ уште не ги искористат санкциите меѓу Европската Унија и Русија за да го зголемат извозот. Оние што досега имале соработка со компании од Русија велат дека годинава имаат слични испораки како и минатата година“.
Ова е делот од текстот кој укажува на мотивот за отворање на сторијата во дневниот весник.
И двата примери кои авторката ги зема како наша транбулина во еден од најголемите пазари на светот ја демантираат тезата за можноста да бидеме некаква ненадејна ексклузива.
Компанијата „Душан Ќириќ“ од Росоман, која постојано е на удар на анкетарите на оваа тема, вели дека засега исто извезуваат како и пред да бидат воведени санкциите и дека Македонија треба да го зголеми извозот на другите производи, а од аграрот – толку! Бидејќи, земјоделските производи не се нешто што може да се засади сега и за еден месец да се извезува. Дури имаме и пад на пропзиводството на многу култури заради климатските неприлики.
Од Комората потврдуваат дека руските увозници побарале нешто повеќе сирење и кашкавал, ама ние сме немале вишок, туку годинава имаме кусок! И тоа е сѐ. Како што и порано се констатирало, Македонија увезува храна во вредност од 500 до 700 милиони евра годишно, а извезува ниту половината од тоа. Кога се прават конкретни теми за извозот мора да се води сметка за базична поставеност на аграрните и сточарски потенцијали, инаку се сведува на владиниот спин дека имаме некакви потенцијали, што е обичен спин кој пред се треба да ги оправда енормните субвенции токму во оваа област. Власта си има свои сметки, ама медиумот не смее да ја следи таа логика.
Голем недостиг на текстот е што нема официјални податоци од Министерството за земјоделие или од економија, кои, секако, во вакви вонредни ситуации би требало да ја објаснат барем наша извозна немоќ.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални
релевантни
2 извори
повеќестрани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни, нема доволни односно официјални извори и макроекеномски показатели
не аплиактивно
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
несензационален
соодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
квалитетни мултимедијални елементи
нема контекстуални линкови
делумно стилски уреден
неповрзан со тагови