Карикатурални црти
Објавено во Рецензии
on 6 - 05 - 2015 Автор: Љубомир Костовски
[Рецензија: Проектот „Македонија вработува“ со очекувани првични резултати]
Акцијата за вработување која ја покрена власта во рамките на постојаната политичка криза и се чини во пресрет на конгресот на владеечката партија, од почетокот е прогласен за волшебно стапче за едно сериозно економско и социјално прашање. Кога на овој проблем се приоѓа пропагандистички, се добиваат текстови со карикатурални црти и може да служи и за потсмев. Сеедно, за министерот за труд тие резултати се доволни за самофалба и овој текст е пренесен во дузина други медиуми: акцијата наводно веќе по неколку денови постигнува „резултати“. Да видиме за што се работи?
Л
инк до оригиналниот напис: Проектот „Македонија вработува“ со очекувани првични резултати
Време на објавување: 30.04.2015, 18:15
Датум на рецензирање: 03.05.2015
Рецензент: Љубомир Костовски
„Интересот на компаниите за проектот „Македонија вработува“ од ден на ден е се поголем и до сега за четири дена од стапувањето на сила за оваа мерка имаат аплицирано над 50 приватни компании за повеќе од 60 вработувања, а веќе се постигнати 30 вработувања во овие 50 компании.“
Најпрвин веста, која се базира на податоци кои се добиени од министерот за труд, се конфузни: 50 компании аплицирале за 60 вработувања, а примени се само 30, што треба, белким, да значи дека нема доволно потребни кадри или лица со потребни квалификации? Некој требало да му подготви соодветни податоци на министерот, ама, белким, и тој требало да види што говори. Сеедно, ама тие 60 вработувања веднаш се во нокаут, нели. А, не се ниту некаква бројка за алал! Се работи за проектот „Македонија вработува“, при што бројки кои би требало да бидат небитни и за еден работен ден во заводите за вработување, како „фреквенција“, треба да ги примиме како сензација!
Демек, власта се отепува од работа за да ја намали енормната невработеност по која сме на врвот на континентот (официјално, според податоците на Заводот за статистика, во последното тримесечје на 2014 година имало 265.370 невработени лица, односно стапката на невработеност изнесувала 27,6 проценти).
Со оглед дека не се работи за текст кој е само собраниски извештај, туку своевидна аналитика за, да ја наречеме така, акцијата за вработување на Владата, би се очекувало и соодветно соочување со кампањата. Еве само кус наш прилог за порталот кој се занимава со економски анализи и вести – со ова темпо, ако тоа хипотетички се одржува (!) за цела година би имале 1.500 – 1.700 вработувања, а, според настапот на Спасов во парламентот, оваа акција треба да е поубедлива од претходната на неговото министерство, која за една година вработила, според министерот, 8.000 невработени.
На ваквите акции секогаш нозете се куси, ама можеме и да се насмееме, на сета мака на нацијата.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни,
1 извор
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
Оценката за успешноста на акцијата не е точна
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
не апликативно
има контекстуални линкови
стилски уреден
поврзан со тагови