Рецензија: Ова се случува после смртта: Открива жената на која и се појавил нејзиниот починат брат
Објавено во Рецензии
on 19 - 08 - 2014 Автор: Зоран Бојаровски
Тривијализацијата на медиумите го спушти до невидени граници квалитетот на понудата на медиумски содржини, а потребата да се биде прв и ексклузивен ги обезвреди професионалните стандарди со кои се обработува една информација со потенцијал да биде медиумска содржина.
Овој сериозен проблем го има медиумска содржина што ја рецензираме, а на која не упати еден наш читател со предлог на веб страницата на Сервисот за проверка на фактите од медиумите (СПФМ).
Нашиот читател вели дека авторите на оваа содржина „како самите да посведочиле, а не дека прераскажуваат некаков роман со приказни за духови.“ Проверката со методологијата на СПФМ не само што ја потврди констатацијата на нашиот читател, туку откри и неколку други недостатоци.
Линк до оригиналниот напис: Ова се случува после смртта: Открива жената на која и се појавил нејзиниот починат брат
Датум и време на објавување: 29.06.2014
Датум на рецензирање: 19.08.2014
Рецензент: Зоран Бојаровски
Кога станува збор за вакви содржини што се повикуваат на задгробни и паранормални искуства, вистинитоста не можете да ја проблематизирате. Или ја прифаќате или не, а бидејки е таква, недокажлива – овие стории се, најмалку, контроверзни. И, дотука, оваа медиумска содржина е во ред, уште повеќе што е ставена во рубриката „Занимливости/Контроверзни фајлови“.
Медиумската содржина што ја рецензираме пренесува дека единствен извор за оваа информација е книгата “The Afterlife of Billy Fingers“ од Ени Каган. Но, освен тоа како наведен податок, нема никаква информација дали оваа содржина е резултат на личните впечатоци на авторот на рецензираната новинарска содржина, или, пак, се работи за преземена вест од некој друг медиум. Тоа се првите елементарни референци што недостасуваат.
Затоа нашиот читател вели „…„како самите да посведочиле, а не дека прераскажуваат некаков роман со приказни за духови.“
Дури и кога се прераскажува роман или книга со автентични искуства од паранормална природа, уште една од неопходните постапки на новинарите или рецензентите е да објаснат од каква природа е книгата. Уште повеќе што во издавачката индустрија книгите за паранормалните феномени и за комуникацијата после смртта се меѓу најпродаваните и најлукративните теми. Тоа еден професионален новинар е најмалку што треба да го објасни кога рецензира или пренесува впечатоци од овој тип литература за да се направи разликата.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
неофицијални
нерелевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не може да се утврди
не аплиактивно
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
информира
сензационален
соодветен
тенденциозен
ФОТОГРАФИЈА
има
несоодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
не апликативно
нема контекстуални линкови
делумно стилски уреден
неповрзан со тагови