Рецензија: Граната од Втората Светска војна пронајдена во кумановско
Објавено во Рецензии
on 29 - 10 - 2014 Автор: Владимир Мирчески
Упс, артилериска или рачна граната?! Искрено да кажам, не знам што ќе да е. Едно се зборува во текстот, а друго се приложува во фотографијата. Како и да е, бомба е, ама промашена.
Линк до оригиналниот напис: Граната од Втората Светска војна пронајдена во кумановско
Датум и време на објавување: 23.10 2014 11:16
Датум на рецензирање: 27.10.2014
Рецензент: Владимир Мирчески
„WHAT A MISTAKE-A TO MAKE-A!“
Нема што многу да се трошат зборови за текст од четири реда кој требало да информира дека во Кумановско е пронајдена артилериска граната од, како што се вели, Втората светска војна. Во ред е веста, ама новинарски е целосно промашено „пакувањето“, бидејќи основната информација е „поткрепена“ со сосема несоодветна фотографија. Зошто? Зашто рачна бомба не е исто што и артилериска граната. Првата има помала огнена моќ, додека втората може да урне и зграда. Но, ако сакаме да бидеме прецизни, еве ги официјалните дефиниции:
- Артилериска граната: проектил испукан од артилериско оружје, муниција составена од цилиндричен метален објект која содржи експлозивно полнење;
- Рачна граната: мал експлозив, хемиска или гасна бомба која се користи на мало растојание.
Оттука, ако станува збор за рачна бомба, опасност секако има, но далеку помала од заостанато артилериско оружје кое, пак, има сериозна разорна моќ.
Брзањето при објавувањето на една вест не го оправдува пропустот, незнаењето или, пак, третирањето на придружната фотографија како на нешто со второстепено значење – своевидно „нужно зло“. Во кредибилното новинарство, особено електронското, информацијата без вистинска „фотка“ е како торта без завршната глазура.
Затоа, конечниот збор за овој текст би го позајмил од еден симпатичен телевизиски лик од минатото, кој по секоја негова „утка“ знаеше да каже: „What a mistake-a to make-a!“.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
СЕОПФАТНОСТ
несеопфатнo
ПРИСТРАСНОСТ
делумно прикажува вистина
промашената фотографија може да се смета за извртување на вистината
нема лажни информации
не аплиактивно
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
информира
некреативен
несензационален
соодветен
јасен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови