Рецензија: ФОТО: Нема да верувате – еве што се падна во рацете на Царината
Објавено во Рецензии
on 13 - 06 - 2014 Автор: Зоран Бојаровски
Една од сѐ поприсутните појави кај информативните портали на интернет е копи/пејст пласирањето на билтени, извештаи, дневни и друг вид информатори кои ги пласираат имателите на разни информации. Веб админстраторите, бидејки, ќе се согласите, многу е тешко да ги наречеме новинари, ги копираат овие билтени, ги пастираат на нивните интернет огласни табли и мислат дека завршиле работа.
Една таква медиумска содржина анализираме и рецензираме тука.
Линк до оригиналниот напис: ФОТО: Нема да верувате – еве што се падна во рацете на Царината
Датум и време на објавување: 11.06.2014
Датум на рецензирање: 12.06.2014
Рецензент: Зоран Бојаровски
Читаме „чаршав“ на испишани, каталогизирани, заплени на царината и тоа е здодевно, здодевно и здодевно…
Ајде, си велиме, можеби е тоа оправдано зашто насловот најавува „нема да верувате…“ и можеби атракцијата најавена во насловот ќе го оправда овој „чаршав“. Но, ништо. На крајот од текстот читателот како балон се издишува од ништото во овој текст: „80 пара машки панталони…“, „пур пена, кабли, изолир ленти, 64 килограми текстил, 78 тоалетни води и 9 ќебиња…“, и…
Што има тука за неверување? За седум дена работа на царината?
Препишаните билтени сами по себе не се вести ниту, пак, медиумска содржина која заслужува да се чита.
Ако во неа има нешто што заслужува да биде вест, некој препознаен тренд, некоја навистина ексклузивна стока или предмет од интерес на шверцерите, тогаш од тоа може да се состави вест и тоа според сите стандарди: најважното, најновото, најинтересното – напред, во лидот на веста, потоа пасус со дообјаснувања за подршка на лидот, потоа изјава од овластено лице кое ќе го објасни трендот, занимливоста… потоа, второстепените информации…
Освен тоа, и за интернет пишувањето, исто така, има правила и препораки и тие треба да се почитуваат. Еве еден добар линк на еден од најдобрите, Јакоб Нилсен. Читајте и применувајте.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
несеопфатнo
нема прикриени информации
ПРИСТРАСНОСТ
целосно прикажува вистина
нема извртување на вистина (спин)
нема лажни информации
не аплиактивно
КОМЕНТИРАЊЕ
нема коментаторски елементи
ПЛАГИЈАТ
целосна копија
наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
наведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
нечитлив
солидни мултимедијални елементи
нема контекстуални линкови
стилски неуреден
неповрзан со тагови