Рецензија: Банките се полни со пари, каматите нема да растат
Објавено во Рецензии
on 6 - 12 - 2013 Автор: Оливера Војновска
Каматите нема да растат , трендот на намалување ке продолжи во 2014-тата , банките се полни со пари. Економскиот амбиент е поволен, с кредитирањето да се зголеми – тврди првиот човек на НЛБ Тутунска.Најновите мерки на Централната банка да не се плака камата на задолжителната резерва , банките да се упатуваат наместо на благајнички записи со 3,2 насто , на седумдневни депозити сведени на минимална каматна стапка – ги посочува како аргументи ..
Вака почнува веста во која е направен неуспешен обид да се пренесе изјавата на претседателот на Управниот одбор на НЛБ Тутунска банка, Ѓорѓи Јанчевски, дадена на свеченоста по повод наградата „Банка на годината во Македонија за 2013 година“ од финансискиот магазин “The Banker”. Всушност, во кусата вест е буквално упропастена изјавата на Jанчевски. Во овој текст од само неколку реченици, без никаков редослед се нафрлани именки, глаголи, сврзници, прилози, интерпукциски знаци (точки, запирки, тире). Веста „тежи“ од словни грешки, таа не е ниту редактирана, ниту лекторирана. Во неа има погрешно напишани зборви, но и „голтнати“ букви (МАкедонија, 2014 тата, каматоте, напат, анчи). Наместо буквите „ќ“ и „ѓ“, секаде во написот се употребени буквите „к“ и „г“ (плака, повеке, пагање, ке). А, некои реченици завршуваат со две точки!
Линк до оригиналниот напис: Банките се полни со пари, каматите нема да растат
Датум и време на објавување: 3.12.2013, 23:14
Датум на рецензирање: 4.12.2013
Рецензент: Оливера Војновска
Вистинитост: Бројните грешки ја прават веста нејасна и непрецизна, но таа нема проблеми со вистинитиста.
Извори на информации: Веста има релевантен извор на информации – првиот човек на НЛБ Тутунска банка. Меѓутоа, дури и неговото име е погрешно напишано: „Горги“ наместо „Ѓорѓи“.
Содржајност: Содржајноста во оваа вест од десетина реда се изгубила во лошата конструкција на речениците и „морето“ од грешки.
По овие мерки најверојатно ке следи и пагање на каматите на депозитите што анчи дека не очекувам каматоте на кредитите да растат .. Ке има зголемено кредитирање со оглед дека економијата во МАкедонија за годинава може да се каже дека е напат на опоравување и бележи раст . Сето тоа влијае на банкаскиот сектор да дава повеке кредити – рече Горги Јанчевски – Претседател на управниот одбор на НЛБ Тутунска банка.
Квалитет на насловот: Во насловот наместо запирка (,) посоодветно е да стои тире (-). А, бидејќи се работи за поента од изјавата на директорот на НЛБ Тутунска банка, на веста повеќе ѝ прилега насловот: „Јанчевски: Банките се полни со пари – каматите нема да растат“
Фотографија: Материјалот е илустриран со снимка од изјавата на Јанчевски.
Заклучок: Вака срочената информација со дваесетина словни грешки мора внимателно да се прочита неколку пати за да може се долови поентата. Ова е најлошиот материјајл од сите прилози и текстови, во кои тој ден беше пренесена изјавата на Јанчевски. Можеби прозвучува претенциозно, но, гледано од професионален аспект е срамно и неодговорно да се објави ваква вест. Тука стопроцентно потфрлиле професионалните стандарди и кај новинарот и кај медиумот. Дотолку повеќе што се работи за Македонската радио телевизија. Објавувањето на нередактирани и нелекторирани текстови е недозволиво за ниту еден медиум, најмалку за националната телевизија како јавен сервис за граѓаните.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
веродостојни наводи
ИЗВОРИ НА ИНФОРМАЦИИ
има евидентирани извори
официјални
релевантни
1 извор
еднострани
СЕОПФАТНОСТ
сеопфатнo
нема прикриени информации
ПРИСТРАСНОСТ
целосно прикажува вистина
нема извртување на вистина (спин)
нема лажни информации
не аплиактивно
КОМЕНТИРАЊЕ
нема коментаторски елементи
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
несензационален
несоодветен
јасен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
нечитлив
неквалитетни мултимедијални елементи
нема контекстуални линкови
стилски неуреден
неповрзан со тагови