Провидна и нерелевантна слика од Грција
Објавено во Рецензии
on 6 - 07 - 2015 Автор: Зоран Бојаровски
[Рецензија: Грчки граѓани: останете подалеку од бандата наречена ЕУ]
Едноставно не е за верување дека новинар, кој патем речено – не е потпишан, може да отиде на терен во странство и за известува за еден особено важен настан, а сепак да направи толку површен, пристрасен и тенденциозен извештај.
Текстот што го реценизраме е извештај од терен, по одлуката на грчката влада да спроведе референдум за тоа дали Грција треба да ја прифати понудата на меѓународните кредитори за излез од длабоката финансиска криза.
Драмата со која се соочува нашиот јужен сосед заслужува многу сериозно внимание, а не само една површна презентација на расположението на граѓаните кое е многу еднострано, крајно неизбалансирано.
Линк до оригиналниот напис: Грчки граѓани: останете подалеку од бандата наречена ЕУ
Датум и време на објавување: 29.06.2015, 18:07
Датум на рецензирање: 03.07.2015
Рецензент: Зоран Бојаровски
Категоричните ставови од воведот на оваа рецензија произлегуваат од пристапот на новинарот кој, кога веќе бил на терен, многу повнимателно и потемелно требало да ја опише ситуацијата со која се соочуваат граѓаните на Грција пред финансискиот амбис пред кој се најде нивната земја, а со тоа и секој граѓанин одделно.
Наместо тоа, пред нас имаме една плитка приказна која, освен емотивните реакции на неколкумина граѓани на Грција, целосно е еднострана. Нема ниту еден граѓанин во „анкетата“ на медиумот кој застапува друга страна, а општо е познато дека јавноста во Грција по прашањето на референдумот е поделена пола-пола. Значи, има и граѓани кои мислат дека земјата треба да се соочи со кризата, граѓаните да го стегнат ременот, а политичарите да си ја преземат одговорноста.
Не е објавен ниту градот каде што е правена оваа новинарска сторија и анкета.
Наместо избалансирана и сеопфатна слика за тоа што се случува во Грција, медиумот и авторот на текстот што го рецензираме, нуди еден пристрасен текст кој не може да ја скрие тенденциозноста и намерата ситуацијата во Грција да се искористи за „пресметка“ со Европската унија и со меѓународна заедница.
Многу провидно и сосема нерелевантно за една професионална новинарска опсервација.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
официјални, неофицијални, анонимни
релевантни, нерелевантни
повеќе извори
еднострани
СЕОПФАТНОСТ
несеопфатнo
прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
нема коментаторски елементи
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
не информира
некреативен
сензационален
несоодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
нечитлив
квалитетни мултимедијални елементи
нема контекстуални линкови
делумно стилски уреден
неповрзан со тагови