Предупредување: И со сензационализмот се претера!
Објавено во Рецензии
on 10 - 12 - 2015 Автор: Александар Пешев
[Рецензија: ПРЕДУПРЕДУВАЊЕ ОД НАСА: Човештвото ќе биде уништено за Божиќ]
Доколку навистина голем астероид е на пат кон Земјата, таквата информација би била ударна, барем на интернет-страниците на вселенските агенции на кои анонимниот автор се повикува. Веста ја нема, од НАСА не јавуваат за ваква опасност, но имаат основа за демант, ако воопшто им падне на ум да се занимаваат со македонски медиум.
Линк до оригиналниот напис: ПРЕДУПРЕДУВАЊЕ ОД НАСА: Човештвото ќе биде уништено за Божиќ!Датум и време на објавување: 09.12.2015, 15:52
Датум на рецензирање: 09.12.2015
Рецензент: Александар Пешев
ПУБЛИКАТА ВО ПРАШАЛНИЦИ
Рецензираме медиумска содржина озаглавена со сензационалистички наслов кој, веројатно, е „склопен“ за да привлече што поголема публика.
ПРЕДУПРЕДУВАЊЕ ОД НАСА: Човештвото ќе биде уништено за Божиќ!
Проблемот е во тоа што ваквиот лов на кликнувања или гледаност се коси со професионалното начело дека медиумите не треба ниту да создавааат ниту, пак, да шират паника.
Од друга страна, самиот наслов не соодветствува со содржината на текстот.
„Астероидот „SD220 2003“ претставува потенцијална опасност за нашата планета, јавува НАСА“
Веќе во првата реченица, авторот го демантира насловот и ја остава публиката во прашалници: Ќе нè биде по Божиќ или не? Битно астрономите, како што тврди медиумот „прерачунале“ дека астероидот е голем. Непознато е дали во „рачуните“ на медиумот е предвиден и хонорар за лектор. Но, сепак, тоа е минорен проблем ако се земе предвид дека целата вест, најверојатно, е измислица.
Ваква информација нема на официјалната интернет-страница на Агенцијата ниту во делот на последни вести. Медиумот кој ја пренесува (дез)информацијата се повикува на британски медиум, но таквата атрибуција не е направена ниту во насловот, ниту во воведот, туку подолу во текстот.
Сè на сè, имаме класичен пример на сензационализам кој не заслужува простор во медиум, особено ако се работи за телевизија со национална концесија.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неверодостојни наводи
ИЗВОРИ НА ИНФОРМАЦИИ
има евидентирани извори
официјални
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
не аплиактивно
КОМЕНТИРАЊЕ
нема коментаторски елементи
ПЛАГИЈАТ
не може да се одреди
ненаведен автор, наведен извор без линк
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
солидни мултимедијални елементи
има контекстуални линкови
делумно стилски уреден
неповрзан со тагови