Петпаречка сензационалистичка објава
Објавено во Рецензии
on 3 - 08 - 2016 Автор: Владимир Мирчески
[Рецензија: ДО КРАЈОТ НА ДЕНОТ: Ќе удри силен земјотрес, Сонцето ќе постане црно, денес е крај на светот! (ВИДЕО)]
Апокалипсата дојде!!! Кога? Пред два дена. И? Ништо, си тераме вообичаено.
Линк до оригиналниот напис: ДО КРАЈОТ НА ДЕНОТ: Ќе удри силен земјотрес, Сонцето ќе постане црно, денес е крај на светот! (ВИДЕО)
Датум и време на објавување: 29.7.2016, 19:30
Датум на рецензирање: 31.07.2016
Рецензент: Владимир Мирчески
ИНФОРМАТИВНА ПРАЗНОТИЈА
Што да се каже за текст што најавуваше крај на светот, ама пред два дена?! Нормално, планетава сè уште е на место, сè уште се врти, планините не се поместија, океаните не се излеаја, човекот сè уште владее со Земјата. Ништо од апокалипсата.
Апсолутно непотребен напис, можеби интересен за „продлабочен“муабет на маса со неколку чашки отповеќе, ама во никој случај недостоен за место во медиумско издание, независно во каква форма ќе се пласира, па макар и во рубриката за забава и за занимливости. Ова е уште еден материјал во стихијата производи инспирирани од библиските текстови во кои се предвидуваат катаклизми и крај на човештвото. Таквите најави не се први, ниту последни, различно е само лицитирањето со датуми кога апокалипсата ќе нè стигне.
Искрено, текстчето е смешно. Како некаква си промотивна најава за хорор-филм:
„Сите медиуми денеска ја пренесуваат веста дека денес на полноќ ќе се случи долго најавуваната апокалипса. Лажни тревоги за крај на светот имаше неколку, но овој пат ова е реалност. Ќе се случи!
Овде имате видео кое ја опишува сосотојбата која ќе не снајде до полноќ. Доколку не ви е страв да се соочите, погледнете“…
А, ако не ни е страв и погледнеме, а наведеното не се случи? Толку од вистинитоста. Голема нула.
А видеозаписот е приказна за себе – евтина компјутерска симулација преземена од јутјуб-канал насловен „Претскажувања за крајот“. Воопшто не помага како дополнителен материјал за подигнување на веродостојноста на текстот, туку го дополнува впечатокот на петпарачки сензационалистички напис.
Вистинитост, видовме дека нема. Извори на информација се некои канали кои прераскажуваат библиски претскажувања. Плиток текст наменет за пополнување простор низ порталите кои кубурат со материјали поради летните одмори.
Затоа, да нарачаме една апокалипса (!), ама дупла, и да уживаме во оваа информативна празнотија.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
нема факти
неверодостојни наводи
ИЗВОРИ НА ИНФОРМАЦИИ
има евидентирани извори
неофицијални
нерелевантни
не може да се утврди
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не
лажни информации
комерцијална пристрасност
КОМЕНТИРАЊЕ
нема коментаторски елементи
издвоено од фактите
ПЛАГИЈАТ
целосна копија
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
нејасен
ФОТОГРАФИЈА
има
соодветна
манипулира
ненаведен автор(извор)
ГОВОР НА ОМРАЗА
навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
средно читлив
неквалитетни мултимедијални елементи
има контекстуални линкови
делумно стилски уреден
поврзан со тагови