Од ваков текст – само штета
Објавено во Рецензии
on 16 - 08 - 2016 Автор: Силвана Жежова
[Рецензија: Од зелените пазари се враќаме со кеси полни отрови – список на 12 најотровни намирници]
Наловот на текстот што е предмет на рецензија ја дезинформира јавноста и шири паника меѓу граѓаните за квалитетот на овошјето и на зеленчукот што се продаваат на пазарите. Во него се вели дека на зелените пазари производите, наводно, се полни со отрови. Иако не е исклучена таквата можност, сепак текстот не нуди никакви докази во таа насока. Нема никаква изјава или став од страна на надлежна институција за контрола на квалитетот на храната, во случајот Инспекторат за земјоделство и Агенција за храна и ветеринарство, со што ќе се потврди или ќе се демантира ова тврдење. Притоа, нема наведено од каде се добиени податоците и кој ги направил овие анализи. Текстот наликува на преведен или преземен од друг медиум, без да се наведе дека можеби се однесува на друга земја.
Линк до оригиналниот наслов: Од зелените пазари се враќаме со кеси полни отрови – список на 12 најотровни намирници
Датум и време на објавување: 12.08.2016
Датум на рецензија: 15.05.2016
Рецензент: Силвана Жежова
ПРОЦЕНКА ОД „ГОЛО ОКО“
Текстот почнува со наводен совет граѓаните да обрнат поголемо внимание кога купуваат овошје и зеленчук, но не дава одговор како точно да го сторат тоа. Граѓаните не можат да ја проценат со „голо око“ опасноста на која се предупредува:
„Кога купувате овошје и зеленчук, обрнете поголемо внимание затоа што истите може да содржат огромна количина отрови кои подоцна ќе се најдат во вашиот организам“.
За такво нешто постојат специјални лаборатории.
Понатаму во материјалот е изнесена т.н црна листа на 12 најотровни производи, но повторно недостига изворот на овие информации. Не се дава одговор ниту за каков тип на пестициди и на хемикалии се работи и која институција го докажала нивното присуство.
„Ова е „црната листа“ на 12 најотровни намирници кои мора темелно да ги миете.Јаболка – 99% од нив се позитивни на пестициди. Плус, содржат и 56 различни хемикалии.Праски – Дури 85,6% од праските содржат повеќе пестициди измешани со 57 видови хемикалии“.
Без посочување на релевантни извори, на официјални документи кои ќе ги поткрепат информациите за наводната отровност на производите на зелените пазари, текстот останува во сферата на шпекулациите и ја дезинформира јавноста. Притоа, освен што предизвикува паника кај неселението, текстот може да предизвика и финансиска штета за продавачите на овошје и на зеленчук по зелените пазари.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
можеби се прикриени информации
ПРИСТРАСНОСТ
не може да се утврди
не може да се утврди
Не може да се утврди
комерцијална пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
не може да се одреди
ненаведен автор
КВАЛИТЕТ НА НАСЛОВОТ
дезинформира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
неповрзан со тагови