Од реализација до конечна цел има многу
Објавено во Рецензии
on 13 - 07 - 2016 Автор: Ана Анастасовска
[Рецензија: ВМРО ШТО ВЕТУВА РЕАЛИЗИРА:Остварени барањата од теренската посета на Груевски на мавровско-дебарскиот крај]
Ова е еден крајно популистички текст, кој има цел да го фали лидерот на ВМРО-ДПМНЕ, Никола Груевски. Притоа, написот повеќе наликува на соопштение од партиски билтен, отколку на новинарски текст.
Линк до оригиналниот напис: ВМРО ШТО ВЕТУВА РЕАЛИЗИРА:Остварени барањата од теренската посета на Груевски на мавровско-дебарскиот крај
Датум и време на објавување: 03.07.2016
Датум на рецензирање: 13.07.2016
Рецензент: Ана Анастасовска
БОМБАСТИЧЕН НАСЛОВ, ТЕКСТОТ „ГЛУВ ОРЕВ“
Самиот наслов на овој текст е доста бомбастичен, најавувајќи дека се „остварени барањата од посетата на Груевски на мавровско-дебарскиот крај“. Но, во текстот подолу гледаме дека ветувањата се далеку од остварени.
„Минатиот август, Груевски во својство на претседател на Владата ги посети овие населени места, разговараше со жителите и ги ислуша нивните барања и потреби. Тоа што им го вети на овие средби, веќе се реализира“.
Барањата на граѓаните што ги ислушал Груевски не се остварени, туку се работи на нив. А од реализација до конечна цел има уште многу. Тоа значи дека не може да се каже дека нешто е завршено, кога не е – и тука е првиот спин и убедување на јавноста во овој текст.
„Граѓаните од западниот дел на Република Македонија, особено во општините Маврово Ростуше, Центар Жупа и Дебар со децении чекаа да им биде реализирано она што им го ветувале минатите Влади. Сега со големо задоволство зборуваат дека оваа Влада им ги исполнила ветувањата и задоволила потребите“.
Вториот спин е содржан токму во овој дел. Граѓаните со децении чекале да им биде реализирано она што им го ветиле минатите влади. Она што е факт, а тука очигледно е заобиколен, е дека веќе една деценија токму Груевски е на власт и веќе една деценија неговата влада ја води државата. Така што е апсурдно е да се зборува за некакви минати влади, кога 10 години владата е иста.
АНОНИМНИ ПОФАЛБИ
Подолу во текстот имаме фотографии и изјави од наводни жители кои многу се задоволни од премиерот и многу го фалат. Но, немаме нивно име и презиме, така што лесно е да се заклучи дека изјавите можеби се измислени.
Овој текст е крајно популистички и има цел само да го фали лидерот на ВМРО-ДПМНЕ, Никола Груевски. Притоа, написот повеќе наликува на соопштение од партиски билтен, отколку на новинарски текст. Овој напис го прекршува и членот 14 од Кодексот на новинари, во кој јасно се нагласува дека:
Новинарот мора да обезбеди професионална дистанца од политичките субјекти.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
не може да се утврди точноста на наводите
не може да се утврди веродостојноста на наводите
ИЗВОРИ НА ИНФОРМАЦИИ
има евидентирани извори
анонимни
2 извори
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
не може да се утврди
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
информира
некреативен
сензационален
соодветен
тенденциозен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
солидни мултимедијални елементи
нема контекстуални линкови
стилски уреден
неповрзан со тагови