„Новото“ паркиралиште за жени, старо четири години
Објавено во Рецензии
on 11 - 02 - 2016 Автор: Силвана Жежова
[Скопје доби паркинг само за жени (фото)]
Текстот „информира“ дека Скопје добило паркиралиште само за жени, а всушност, информацијата е „бајата“ четири години. „Новото“ паркиралиште за жени е старо колку и самата катна гаража кај НУБ „Климент Охридски“ , односно од 2012 година.
Линк до оригиналниот наслов: Скопје доби паркинг само за жени (фото)
Датум и време на објавување: 03.02.2016
Датум на рецензија: 09.02.2016
Рецензент: Силвана Жежова
БАЈАТА ИНФОРМАЦИЈА
Овој материјал е преземен од друг медиум (тоа е наведено , но не е ставен линкот) и пласиран без да се провери веста, која фактички е прилично „бајата“. Ваквиот начин на објавување на информациите се коси со првиот амандман од Кодексот на новинарите
Новинарот треба да објавува точни, проверени информации и нема да прикрива суштински податоци и да фалсификува документи
Исто така, текстот се обидува да одговори зошто ова паркиралиште е поинакво од другите, без да понуди конкретни факти дека дамите, навистина, имаат некакво повластено користење на паркиралиштетш. Имено, за паркирање на возилата важат истите правила како за мажи, така и за жени. Оттука, со ваквиот пристап, сакајќи или не, се прави полова дискриминација.
„Овој паркинг простор е поразличен од останатите, од едноставна причина што е наменет само за жени. Линиите за паркирање се пошироки, а и пристапот е поедноставен. Се разбира, услов е мажите да имаат џентлменски пристап.“
Катната гаража кај НУБ „Климент Охридски“ беше отворена во 2012 година, а инвеститорот тогаш појасни зошто првиот кат е наменет за жените:
„Обезбедените паркинг-места за жени се за нивна безбедност, не за да ги дискриминираме. Бидејќи живееме во време што не е безбедно, со тоа сакавме првиот кат да го обезбедиме за жени, но и за полесно паркирање. Ова го видовме на Запад и сакавме да го воведеме, објаснува директорот на „Макоил“, Мите Јовановски.“
Еден професионално сработен, коректен новинарски текст има цел точно, прецизно и навремено информирање на јавноста. Тоа не е случај со текстот што е предмет на оваа рецензија, каде што информација стара четири години се пласира како нова.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
има факти
точни наводи
неверодостојни наводи
ИЗВОРИ НА ИНФОРМАЦИИ
нема евидентирани извори
СЕОПФАТНОСТ
несеопфатнo
нема прикриени информации
ПРИСТРАСНОСТ
делумно прикажува вистина
неточна информација
КОМЕНТИРАЊЕ
има коментаторски елементи
ПЛАГИЈАТ
целосна копија
наведен извор без линк
КВАЛИТЕТ НА НАСЛОВОТ
дезинформира
некреативен
несензационален
несоодветен
јасен
ФОТОГРАФИЈА
има
соодветна
информира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
дискриминира
полова дискриминација,
УРЕДЕН ЗА ВЕБ
читлив
солидни мултимедијални елементи
нема контекстуални линкови
делумно стилски уреден
неповрзан со тагови