Новинарските написи не креираат загатки
Објавено во Рецензии
on 24 - 02 - 2017 Автор: Зоран Бојаровски
[Рецензија: Волјата на мнозинството е важна само кога се во прашање Албанците: Ахмети и Заев ја игнорираат волјата на Македонците]
Дали новинарските текстови треба да бидат загатки? Или да бидат напишани како сложувалки? Се разбира – не. Едно од основните правила во оваа професија е „Нека биде кратко и едноставно“. Да пишуваш кратко, едноставно и разбирливо е вештината на новинарите.
Зошто читателите или гледачите и слушателите би се прашувале што сакале да кажат новинарите? Дали има нешто меѓу редовите на новинарскиот текст? Тоа се прашања што публиката не смее да си ги постави.
Во случајот на овој текст се случува токму тој процес. Додека го читате, се прашувате каква е смислата не овој текст. Како некоја загатка е.
Линк до оригиналниот напис: Волјата на мнозинството е важна само кога се во прашање Албанците: Ахмети и Заев ја игнорираат волјата на Македонците
Датум и време на објавување: 23.02.2017, 09:39
Датум на рецензирање: 23.02.2016
Рецензент: Зоран Бојаровски
ДЕЛОВИ ОД СТАРО ИНТЕРВЈУ
Читате извадени и склопени делови од интервју на Али Ахмети од 2008 година без контекст, без новинарска и уредничка интервенција…
Во ред, упатените и информирани читатели ќе дојдат до заклучок дека медиумската содржина се осврнува на изневерување на принципот „победник со победник прави владејачка коалиција“. Но, зошто би се очекувало дека сите читатели треба сами да ја „решат загатката“.
Навистина, има една полуреченица во текстот која го индицира тоа, но зошто таа би била „скриена“ на тој начин? Тоа само дополнително ја усложнува статијата.
Згора на сето тоа – илустрацијата! Таква коментаторска ислустрација е апсолутно несоодветна и пристрасна. Интервенцијата на фотографијата е во спротивност со членот 13 од Кодексот на новинарите кој нагласува:
Новинарот треба да прави разлика меѓу фактите и мислењата, меѓу веста и коментарот.
Таа ситуација со фотошопираната фотографија, како и целото врамување на „загатката“ од текст, ја прави наклонета целата сторија, а членот 14 од новинарскиот Кодекс вели дека известувањето од политичките процеси, особено од изборите треба да биде непристрасно и избалансирано и дека новинарот мора да обезбеди професионална дистанца од политичките субјекти.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
Делумно
делумно
ИЗВОРИ НА ИНФОРМАЦИИ
има евидентирани извори
неофицијални
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
не може да се утврди
нема лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
ненаведен автор
КВАЛИТЕТ НА НАСЛОВОТ
дезинформира
некреативен
сензационален
несоодветен
тенденциозен
ФОТОГРАФИЈА
има
несоодветна
манипулира
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
поврзан со тагови