Новинарите и чувството за политички моментум
Објавено во Рецензии
on 26 - 07 - 2016 Автор: Зоран Бојаровски
[Рецензија: Уставниот суд доби дозвола да одлучи за Kатица Јанева]
Има еден момент во текстот што го рецензираме кој оддава непринципиелност кога станува збор за аргументирана одбрана на неговата основна теза, а тоа е – да се оспори правната основаност на одлуката од последниот политички договор кој треба да го откочи заглавениот процес инициран со Договорот од Пржино од минатата година. Еве го тој, за нас, непринципиелен момент:
„Имено, не е сеедно дали станува збор за закон со кој се уредува урбанистички проблем и закон врз основа на кој може да се преземе кривично гонење со мерка притвор одредена во текот на истрагата и со можност за затворска казна за тешки кривични дела“.
Кога станува збор за функционирањето на правната држава, нема и не треба да има разлика за дела поврзани со урбанистички проблеми и со дела направени со злоупотреба на политичката моќ и позиција кои во цитираниот дел се опишани како кривични гонења со можност за затворска казна за тешки кривични дела.
Овој момент од медиумската содржина пред нас го издвојуваме зашто тој став оддава и непринципиелен професионален новинарски став во однос на генезата и на формите на политичката криза во земјата, која во најголема мера ја оштети токму правната држава и владеењето на правото. Токму затоа, решението на една таква длабока, институционална политичка криза, мора да се реши само со компромисна политичка волја и со политички решенија кои треба да ја реставрираат правната држава и владеењето на правото.
Тоа не е нешто што мора да го препознае секој медиумски професионалец. Ако е на повисока функција, уште повеќе.
Линк до оригиналниот напис: Уставниот суд доби дозвола да одлучи за Kатица Јанева
Датум и време на објавување: 21.07.2016, 18:23
Датум на рецензирање: 24.07.2016
Рецензент: Зоран Бојаровски
БЕЗ ЧУВСТВО ЗА УМЕРЕНОСТ
Во случајот на текстот што е пред нас се соочуваме со една спротивна ситуација. Имено, овој новинарски прозивод не може да ја скрие политичката пристрасност и неизбалансираност и остуство на чувство за умереност во еден критичен моментум.
Тука некој може веднаш да го соочи прашањето на слободата и изборот на ставовите на новинарите по одредени сложени политички прашања. Тоа не е спорно, но во таквите случаи се работи за текстови кои спаѓаат во категоријата колумни или мислења и како такви, според професионалните стандарди, треба да бидат обележани.
Преамбулата на Кодексот на новинарите го гарантира правото на новинарите да споделуваат мислења и да коментираат:
Новинарите имаат улога да пренесуваат информации, идеи и мислења и право да коментираат.
Но, втората половина од тој став на преамбулата на „новинарскиот устав“, бара од нив да ги почитуваат етичките вредности и професионалните стандарди во пренесувањето на информациите и да бидат чесни, објективни и точни.
Ова е особено апликативно на темата што ја обработува овој текст, како осврт на една сериозна политичка и општествена криза. Таквите настани не се сеопфатни доколку новинарски се „решаваат“ со изнесување мислења и коментари, бидејќи се работи за сложени политички процеси кои треба да се објаснат од аголот на стручни, засегнати и на експертски страни, кои рационално и разборито ќе објаснат дали воопшто е доведена во прашање правната перспектива на решението на политичката криза.
Оваа рецензија е изработена во рамките на Проектот на УСАИД за зајакнување на медиумите во Македонија – Компонента Сервис за проверка на факти од медиумите, имплементирана од Метаморфозис. Рецензијата e овозможенa сo поддршка на Американската агенција за меѓународен развој (УСАИД). Содржината на рецензијата е одговорност на авторот и не ги одразува ставовите на Метаморфозис, УСАИД или Владата на САД. За повеќе информации за работата на УСАИД во Македонија, ве молиме посетете ги веб-страницата (http://macedonia.usaid.gov) и Фејсбук-страницата на УСАИД (www.facebook.com/USAIDMacedonia).
ИНФОГРАФИК
ВИСТИНИТОСТ
Делумно
Делумно
делумно
ИЗВОРИ НА ИНФОРМАЦИИ
има евидентирани извори
релевантни
1 извор
еднострани
СЕОПФАТНОСТ
несеопфатнo
можеби се прикриени информации
ПРИСТРАСНОСТ
делумно прикажува вистина
извртување на вистина (спин)
нема лажни информации
наклонетост
политичка пристрасност
КОМЕНТИРАЊЕ
има коментаторски елементи
интегрирано со фактите
ПЛАГИЈАТ
оригинално дело
наведен автор
КВАЛИТЕТ НА НАСЛОВОТ
информира
некреативен
сензационален
соодветен
тенденциозен
ФОТОГРАФИЈА
има
соодветна
ни манипулира ни информира - ставена е само како илустрација
ненаведен автор(извор)
ГОВОР НА ОМРАЗА
нема навредлив говор
нема говор на омраза
не потикнува на насилство
не дискриминира
УРЕДЕН ЗА ВЕБ
читлив
нема мултимедијални елементи
нема контекстуални линкови
стилски уреден
неповрзан со тагови